आदिवासी क्रांतीकारांच्या स्मृतींना उजाळा देणाऱ्या जागर यात्रेला प्रारंभ रावलापाणी येथून सुरुवात :

राज्यभरात शेतकरी व सामान्य जनतेशी साधणार संवाद 
ऑगष्ट १९४२ च्या चलेजाव आंदोलन क्रांतीपर्वाला ७५ वर्षे पूर्ण होत आहेत. यानिमित्ताने राष्ट्र सेवा दल व समविचारी पक्षाच्यातीने राज्यभर जागर यात्रेचे आयोजन करण्यात आले आहे़ या यात्रेला काल दि़३१ रोजी तळोदा तालुक्यातील रावलापाणी येथील स्मारकास अभिवादन करून सुरुवात करण्यात आली. मोड, मोरवड, बोरद मार्गे यात्रा तलोद्यात दाखल झाली. सदर जागर यात्रा नंदूरबार, धुळे, नाशिक, पालघर, कोकण व राज्यभरात जाणार असून समारोप मुबंई येथे होणार आहे. या यात्रेत गडचिरोली, कोकण, पुणे तसेच परराज्यातून देखील राष्ट्रीय सेवा दलाचे कार्यकर्ते सहभागी झाले आहेत़ तळोद्यात स्मारक चौकात गणेश सोशल ग्रुपच्या वतीने फटाक्यांची अतिषबाजी करून यात्रेचे स्वागत करण्यात आले. सामाजिक समता परिषद, राष्ट्र सेवा दल, व सहयोगी संस्था, संघटना यांचा सर्व राष्ट्रीय पधाधिकाऱ्यांचे ग्रुपचे अध्यक्ष संजय माळी व हितेंद्र क्षत्रिय, भरत चौधरी, योगेश मराठे, यांनी सत्कार केला़ दुपारी २ वाजे दरम्यान तळोदा येथील वामनराव बापू मंगल कार्यालयात सामाजिक समता परिषद झाली़ यावेळी महत्वपूर्ण विषयांवर ठराव करण्यात आले़ यावेळी सामाजिक समता परिषदेला राष्ट्र सेवा दलाचे जेष्ठ कार्यकर्ते जे़यु़ठाकरे, राष्ट्रीय अध्यक्ष डॉ सुरेश खैरनार,

माजी अध्यक्ष प्रा़कंपोळे, जेष्ठ सेवा दल साथी ढोडरे, राष्ट्र सेवा दलाचे महाराष्ट्रचे कार्याध्यक्ष उल्लाउद्दीन शेख, धुळे जिल्हाध्यक्ष गजेंद्र भोसले, सहमंत्री विलास किरोते, नंदूरबार जिल्हाध्यक्ष प्रा़आय़बी़चौधरी, जेष्ठ कार्यकर्ते सदानंद राणे सुनीता गांधी, मोहन चौधरी, प्रतिभा शिंदे, रमाकांत चौधरी, धर्मराज पवार, जयेंद्र मगरे, विनोद सूर्यवंशी, योगेश पाडवी, प्रकाश पाडवी आदी उपस्थित होते. प्रतिभा शिंदे यांनी स्वातंत्र्य सैनिकांच्या आठवणींना उजाळा दिला़ तळोदा तालुक्यात स्वातंत्र्यसैनिक भगवान शेंडे, रामचंद्र पुंजु माळी, चौधरी बुलाखी कत्थु, भिक्कन पाटील, तुकाराम संपत सूर्यवंशी आदींची माहिती दिली़ डॉ़सुरेश खैरनार यांनी मनोगत व्यक्त केले़ देशात आदिवासी बेरोजगार, शिक्षण, शेतकरी समस्यांसह असंख्य प्रश्न असल्याचे सांगून सरकारच्या चुकीच्या धोरणावर टीका केली़ जागर यात्रा ठिकठिकाणी स्वातंत्र्य लढ्यातील सैनिकांचा सन्मान करणार असून शेतकऱ्यांशी व सामान्य जनतेशी संवाद साधून त्यांचे प्रश्न शासनासमोर मांडणार असल्याचे त्यांनी सांगितले. सूत्रसंचालन जे.एन.शिंदे यांनी केले. कार्यक्रम यशस्वीतेसाठी प्रतिभा शिंदे, डॉ़देविदास शेंडे, अजित टवाळे, प्रा़जे़एऩशिंदे, प्रा़ए़टी़वाघ, एस़एम़महिरे, एऩके़माळी, निमेश सूर्यवंशी, एस़एस़सोनवणे आदींनी परिश्रम घेतले़.