महिलांनी मतदान केंद्रांवर रांगा लावल्या; भाजप की काँग्रेसला फायदा?

२० नोव्हेंबर २०२४

तळोदा : यंदाच्या निवडणुकीत महिलांच्या प्रचंड उत्साहाने मतदान केंद्रांवर रेकॉर्डब्रेक गर्दी पाहायला मिळाली. "लाडकी बहीण योजना", महिलांचे आरक्षण, आणि महिला सक्षमीकरणाच्या मुद्यांवर दोन्ही प्रमुख पक्षांनी भर दिला होता. या पार्श्वभूमीवर महिलांच्या मतदानाचा कल कोणत्या पक्षाच्या बाजूने झुकला आहे, यावर सगळ्यांचे लक्ष केंद्रित झाले आहे.

        महिलांचा उत्स्फूर्त सहभाग

ग्रामीण आणि शहरी भागांतील महिलांनी सकाळपासूनच मतदान केंद्रांवर रांगा लावल्या. काही ठिकाणी मतदानासाठी दोन-तीन तास प्रतीक्षा केल्याचे दिसून आले. महिला मतदारांनी सामाजिक आणि आर्थिक मुद्द्यांवर विचार करून मतदान केल्याचे मत व्यक्त केले.

भाजपला फायदा?

महिलांसाठी "लाडकी बहीण योजना", गॅस सिलिंडरवर सबसिडी, आणि "प्रधानमंत्री आवास योजना" यांसारख्या योजनांनी भाजपला मोठा आधार मिळाला आहे. ग्रामीण भागातील अनेक महिलांनी भाजपला मतदान केल्याचा अंदाज व्यक्त केला जात आहे.

काँग्रेसची पकड?

दुसरीकडे, काँग्रेसच्या "गृहलक्ष्मी योजना", महिला रोजगारासाठी नव्या योजना, आणि महागाईविरोधी धोरणांमुळे महिलांमध्ये काँग्रेसच्या बाजूनेही मोठा कल असल्याचे तज्ज्ञांचे म्हणणे आहे. काँग्रेसने महागाईवर कडक टीका करून महिला मतदारांना आकर्षित करण्याचा प्रयत्न केला आहे.

महिला मतदारांपैकी काहींनी भाजप सरकारच्या योजना स्तुत्य असल्याचे सांगितले, तर काहींनी काँग्रेसच्या महागाईविरोधी उपाययोजनांना पसंती दर्शवली. "भाजपने गॅस सबसिडी दिली, पण महागाईवर उपाय केला नाही. यामुळे आम्ही परिवर्तनाचा विचार करत असल्याचे काही म्हणाले.

कौन पुढे?

       सर्व्हे आणि मतदान केंद्रांवरील पाहणीवरून महिलांच्या मतदानाचा कल स्पष्ट होण्यासाठी मतमोजणीची वाट पहावी लागेल. त्यामुळे महिलांचे निर्णायक मतदान दोन्ही पक्षांच्या विजयासाठी महत्त्वाचे ठरेल.

      महिलांच्या सहभागाने या निवडणुकीचे गणित अधिकच गुंतागुंतीचे बनवले आहे. महिलांचा कल भाजप किंवा काँग्रेसकडे किती प्रमाणात आहे, याचा अंतिम निर्णय निकालानंतरच स्पष्ट होईल.

नंदुरबार जिल्ह्यातील विधानसभा निवडणुकीसाठी मतदारांनी मोठ्या संख्येने मतदानाचा हक्क बजावला. जिल्ह्यातील मतदानाच्या आकडेवारीवरून महिलांनी या निवडणुकीत मोठ्या प्रमाणात सहभाग घेतल्याचे स्पष्ट दिसत आहे. चार विधानसभा मतदारसंघांमध्ये महिलांच्या मतदानाचा टक्का पुरुषांच्या तुलनेत जास्त असल्याचे दिसून आले.

महत्वाची आकडेवारी:

1. अक्कलकुवा विधानसभा मतदारसंघ:

एकूण महिला मतदार: 1,59,319

मतदान केलेल्या महिला: 96,024 (60.27%)

महिलांचा मतदानाचा टक्का पुरुषांपेक्षा अधिक.

2. शहादा विधानसभा मतदारसंघ:

एकूण महिला मतदार: 1,77,588

मतदान केलेल्या महिला: 1,17,295 (66.05%)

पुरुषांच्या तुलनेत महिलांचा सहभाग अधिक.

3. नंदुरबार विधानसभा मतदारसंघ:

एकूण महिला मतदार: 1,77,212

मतदान केलेल्या महिला: 1,01,959 (57.54%)

महिला मतदारांचा टक्का लक्षणीय.

4. नवापूर विधानसभा मतदारसंघ:

एकूण महिला मतदार: 1,53,098

मतदान केलेल्या महिला: 1,14,051 (74.50%)

नवापूरमध्ये महिलांनी सर्वाधिक उत्साह दाखवला.

जिल्ह्याचा एकूण मतदानाचा टक्का:

पुरुष: 63.08%

महिला: 64.35%

इतर: 23.08%

एकूण मतदान: 63.72%

महिलांचा निर्णायक सहभाग:

         महिलांचा सहभाग पुरुषांपेक्षा जास्त असल्याने यंदाच्या निवडणुकीत महिलांचे मत पक्षांच्या विजयासाठी निर्णायक ठरणार आहे. महिलांच्या आरक्षण, योजना, आणि सक्षमीकरणाच्या मुद्द्यांवर प्रचार केला गेल्याने महिला मतदारांकडून चांगला प्रतिसाद मिळाल्याचे दिसून येते. जिल्हाधिकारी डॉ. मिताली सेठी यांनी मतदान प्रक्रियेत सहभाग घेतलेल्या सर्व मतदारांचे अभिनंदन केले असून, शांततापूर्ण वातावरणात निवडणूक पार पाडल्याचे समाधान व्यक्त केले आहे.

         महिलांचा वाढलेला मतदान टक्का कोणत्या पक्षाला फायदा करून देईल, हे निकालानंतरच स्पष्ट होईल. पण महिलांचा वाढता सहभाग लोकशाहीसाठी एक सकारात्मक पाऊल ठरतो आहे.

नवीन वर्षाचे औचित्य साधत आ.पाडवींची डॉ.वाणींशी दिलजमाई

तळोदा पालिका निवडणूकीप्रसंगी भाजपामध्ये आपापसांत राजकीय मतभेद निर्माण होवून आ.उदेसिंग पाडवी डॉ.शशिकांत वाणी यांच्यात काहीसा दूरावा निर्माण झाल्याची चर्चा होती. मात्र नवीन वर्षाच्या शुभेच्छा देण्यासाठी आ.उदेसिंग पाडवी यांनी थेट डॉ.शशिकांत वाणी यांचे निवासस्थान गाठून शुभेच्छा दिल्याने मतभेदाची चर्चा थांबली असून यावर पडदा पडला आहे. याबाबत राजकीय वर्तुळात खमंग चर्चा होत आहे.. भाजपाच्या सत्ता स्थापनेसाठी खांद्याला खांदा लावून तळोदा-शहादा विधानसभा निवडणुकीत भाजपचा झेंडा रोवणारे दोघा दिग्गज नेत्यांमध्ये डिसेंबरमध्ये झालेल्या तळोदा पालिकेच्या निवडणूकीपासून काहीसा दूरावा निर्माण झाला होता. पालिका निवडणुकीत डॉ.शशिकांत वाणी यांची लोकनियुक्त नगराध्यक्ष पदासाठी उमेदवारी निश्चित मानली जात होती. परंतु ऐनवेळी डॉ.वाणी यांना उमेदवारी नाकारण्यात आली. तसेच डॉ.वाणींचे समर्थक असणाऱ्यांनाही उमेदवारी नाकारण्यात आली होती. यावेळी डॉ.वाणी पालिका निवडणूकीपासून दूर राहिले होते. भाजपाच्या जुन्या कार्यकर्त्यांना उमेदवारीसाठी डावलण्यात आल्याने डॉ.वाणींची नाराजी होती. डॉ.वाणी यांच्या गटाची नाराजी व निवडणुकीत तटस्थ राहण्याच्या पार्श्वभूमीवर आ.उदेसिंग पाडवी यांनी तळोदा पालिकेत भाजपची सत्ता आली नाही तर या पुढे कोणतीही निवडणूक लढणार नाही अशी प्रतिज्ञा केली होती. तळोदा पालिकेवर भाजपचा झेंडा फडकवत एकहाती सत्तांतर घडवून आणले होते. तेव्हापासून तळोदा भाजपमध्ये डॉ.वाणी व आ.उदेसिंग पाडवी यांचे वेगवेगळे गट निर्माण झाले होते. डॉ.वाणी हे मार्केट कमिटीच्या सतत तीन बैठकांना गैरहजर असल्याचे कारण देऊन त्यांना कारणे दाखवा नोटीस बजाविण्यात आली होती. नोटीसचे प्रतिउत्तर न दिल्याने त्यांचे संचालक पद रद्द करण्याचा ठराव सभापती तथा आ.पाडवी यांनी केला होता.. त्याचे उत्तर देत डॉ.वाणी यांनी पत्रकार परिषद घेऊन कायदेशीर संधी न देता पूर्वग्रहदूषित व आकसापोटी कारवाई केल्याने तळोदा कृऊबा समितीचा अर्ज फेटाळल्याबाबत माहिती दिली होती. अश्या विविध कारणांमुळे दूरावा वाढत जावुन दोन गट निर्माण झाले होते. वरिष्ठांनी हा वाद मिटवण्याचा प्रयत्न केला होता. मात्र त्यांना त्यावेळी यश आले नाही. मात्र भाजपा तालुका अध्यक्ष श्याम राजपूत व शहादा तालुका अध्यक्ष किशोर पाटील यांच्या शिष्टाईने केलेल्या सतत प्रयत्नाने दोघे गटांमध्ये समेट घालण्यात यश आले. दरम्यान नवीन वर्षानिमित्त शुभेच्छा देण्याकरिता व वाणी समाजरत्न पुरस्कारानंतर शुभेच्छा देण्यासाठी चक्क आ.पाडवी यांनी त्यांच्या सहकाऱ्यांसमवेत डॉ.वाणींचे निवासस्थान गाठले व शुभेच्छा दिल्या. यावेळी आनंद सोनार, विश्वनाथ कलाल, महेंद्र गाढे आदी उपस्थित होते. आता मात्र नवीन वर्षाचे औचित्य साधून स्वत: आमदारांनी एक पाऊल पुढे टाकत हा दुरावा दूर करण्यासाठी हात पुढे केला आहे. यामुळे आगामी काळात ही सदिच्छा भेट येणाऱ्या वर्षात पक्षासाठी संघटन म्हणून किती उपयुक्त ठरते हे जाणून घेणे औत्सुक्याचे ठरणार आहे..

तळोद्यात भाजपाला खिंडार

 पदाधिकाऱ्यांनी नाशिक मेळाव्यात केला कॉँगेसमध्ये प्रवेश मागील काही महिन्यांपासून भाजपात नाराज असलेले जिल्हा संघटन सरचिटणीस प्रा. विलास डामरे यांनी नुकताच नाशिक येथे काँगेसचे प्रदेशाध्यक्ष अशोक चव्हाण, विरोधी पक्षनेते राधाकृष्ण विखे पाटील यांचा प्रमुख उपस्थितीत काँग्रेस पक्षात प्रवेश केला. यावेळी त्यांच्यासोबत इतर १५ पदाधिकारी व कार्यकर्त्यांनी भाजपाला सोडचिठ्ठी देत काँग्रेसमध्ये प्रवेश केला.. संघर्ष यात्रेच्या पार्श्वभूमीवर काँग्रेस कमिटीच्या कार्यालयात विभागीय मेळावा नाशिक येथे घेण्यात आला. यावेळी प्रदेशाध्यक्ष अशोकराव चव्हाण, विरोधी पक्ष नेते राधाकृष्ण विखे पाटील,युवक काँग्रेस प्रदेश अध्यक्ष सत्यजित तांबे , माजी मंत्री पद्माकर वळवी यांच्या प्रमुख उपस्थितीत निवृत्त वनक्षेत्रपाल लक्ष्मण पाडवी, लक्ष्मण माळी, माधव मराठे, भिमसिंग ठाकरे, शाहीद पठाण, इस्माईल शेख, प्रविण पाडवी, माजी नगरसेवक भरतसिंग राहसे, शिक्षक आघाडीचे एस.डी.पाटील, भाजप युवा मोर्च्यांचे उपाध्यक्ष अमृत पावरा, राहुल पाडवी, जत्र्या पावरा,

अस्लम पिंजारी,सेवा निवृत्त प्राचार्य अशोक वाघ, शिक्षक आघाडीचे एस.एम. महिरे आदींनी कॉग्रेसमध्ये प्रवेश घेतला.यावेळी नंदुरबार जिल्हा परिषदेचे उपाध्यक्ष सुहास नाईक, सातपुडा साखर कारखान्याचे चेअरमन दिपक पाटील, तालुका अध्यक्ष रोहिदास पाडवी, काँग्रेसचे तळोदा शहराध्यक्ष गौरव वाणी, माजी नगरसेवक सतीवान पाडवी, बापू कलाल, तळोदा-शहादा समन्वयक योगेश मराठे, लक्ष्मण पाडवी,कुणाल चौधरी उपस्थित होते.प्रा.विलास डामरेंसह अनेकांनी भाजपात प्रवेश केल्याने शहरात एकच चर्चा सुरू आहे..