तळोद्यातून पुन्हा बालकाच्या अपहरणाचा प्रयत्न

आईच्या प्रसंगावधानाने अपहरणकत्र्याने काढला पळ : पालकांमध्ये भीती शहरातील बसस्थानक परिसरातून काल दुपारी पुन्हा काळाचे अपहरण करण्याचा प्रयत्न करण्यात आला. मात्र, बाळाच्या आईच्या सतर्कतेमुळे अपहरणकर्त्यांचा प्रयत्न असफल झाला. या घटनेमुळे शहरवासियांमध्ये भितीचे वातावरण निर्माण झाले आहे. . याबाबत सविस्तर वृत्त असे की, शहरातील उर्मिला मनोज ढोले व रत्ना मुकेश ढोले या दोघी एकाच कुटुंबातील महिला आपल्या लहान बाळांसह देवदर्शनासाठी प्रकाशा येथे जात होत्या. तळोदा बसस्थानकात बसची प्रतिक्षा करीत असतांना त्याठिकाणी एक अज्ञात बाळांकडे एकटक पाहत हातवारे करुन खेळविण्याच्या प्रयत्न करीत होता. अचानक त्या अज्ञाताने उर्मिला मनोज ढोले यांचा सात महिन्याच्या प्रिन्स नामक बाळाला हातातून हिसकावून पळण्याच्या प्रयत्न केला. मात्र, उर्मिला ढोले यांनी बाळ हातातून सोडले नाही. जोरजोरात आरडाओरड केल्याने इतर प्रवाशांनी धाव घेतली. गर्दी पाहून एका बसमध्ये बसून पळ काढण्यात अज्ञात यशस्वी झाला. . यापूर्वी देखील तळोदा शहरातील नुराणी चौकातील ११ वर्षीय तौफिक शेख या बालकास पळवून नेण्याचा प्रयत्न झाला आहे. तौफिक याने प्रसंगावधान राखून नंदुरबार येथून अपहरणकत्र्याच्या तावडीतून आपली सुटका करुन घेतली होती. तर दोन दिवसांपूर्वी कल्पना टॉकीज परिसरात देखील एका १० वर्षीय मुलास पळवून नेण्याचा डाव फसला असल्याचे सांगण्यात येत आहे. वारंवार घडणाऱ्या घटनांमुळे पालकांमध्ये भितीचे वातावरण निर्माण आले आहे. याकडे पोलिसांनी लक्ष देणे गरजेचे आहे. दरम्यान, कालच्या घटनेबाबत तळोदा पोलिस ठाण्यात नोंद करण्यात आलेली नाही..

तळोद्याचा अमोल करणार 'पे्रमाचा राडा'!

मराठी चित्रपटात मिळाली सहनायकाची भूमिका : मार्च मध्ये चित्रपट प्रदर्शित
तळोदा येथील अमोल कर्णकार या तरुणास दिग्दर्शक अवधूत खराडे यांच्या प्रेमाचा राडा या मराठी चित्रपटात अभिनयाची संधी मिळाली आहे. मार्च महिना अखेरीस चित्रपट प्रदर्शित होणार आहे. सातपुडयाच्या पायथ्याशी असलेल्या तळोदा या गावाचा अमोल कर्णकार हा उदयोन्मुख कलाकार रुपेरी पडद्यावर झळकणार असल्याने त्याची सर्वांनाच उत्सूकता लागून आहे. . दुर्गम भागातील तळोदा शहरात अजूनही काही सोयी-सुविधा पोहचलेल्या नाहीत. स्थानिक कलावंतांसाठी कुठलेही स्टेज उपलब्ध नसताना शहरातील कलावंतांच्या कलेला विविध माध्यमातून वाव मिळत आहे. कठोर मेहनत, जिद्द व चिकाटी या त्रिसुत्राच्या जोरावर सामान्य कुटुंबातील अमोल कर्णकार या युवकाने अभिनयन क्षेत्रात पदार्पण केले आहे. तळोदा येथील वनरक्षक वासुदेव माळी यांचा मुलगा अमोल हा मुंबई मायानगरीत जाऊन आपल्या परिश्रमाच्या जोरावर अभिनय क्षेत्रात आपले नशिब अजामाविण्यासाठी दाखल झाला आहे.शहादा महाविद्यालयात एम.बीएचे शिक्षण घेत त्याच्यातील

 कलाकार त्याला अभिनय क्षेत्रात काही तरी करण्यासाठी प्रोत्साहीत करीत आहे. लहानपणापासून नृत्याची आवड असल्याने विविध ठिकाणी स्पर्धेत तो सहभागी होत होता. यासाठी त्याला अनेक पारितोषिके देखील प्राप्त झाली आहेत. एके दिवशी फेसबुकवरून प्रेमाचा राडा या चित्रपटासाठी साईड हिरो साठीची ऑडिशन बाबतची जाहिरात त्याने पहिली. सदर जाहिरात पाहून आपणही अभिनय क्षेत्राकडे वळावे, याबाबत एक प्रयत्न जरूर करावा असे त्याला वाटले. याबाबत त्याने आपल्या मित्रांना व आई वडिलांना कल्पना दिली. आई वडिलांनी देखील होकार दिल्याने अमोलने तातडीने फलटण गाठले. योगायोगाने पहिल्याच ऑडिशनमध्ये त्याची निवड झाली. दिग्दर्शक अवधूत खराडे यांच्या आगामी चित्रपट प्रेमाचा राडा या चित्रपटात मुख्यनायकाचा मित्राचे पात्र करण्याची संधी अमोलला मिळाली आहे. या चित्रपटाचे निर्माते मोहन घोडके आहेत. .प्रेमाचा राडा ही एक

प्रेम कथा असून यात मुख्यनायक म्हणून दीपक पारसे, मुख्यनायिका ऐश्वर्या घोडके आहेत. खलनायक म्हणून मराठी चित्रपटातील संजय खापरे व जयवंत भालेकर, नितीन सरवदे या दिग्गज कलाकारांचा समावेश आहे. चित्रपट हा प्रेम कथेवर आधारित असुन पुणे जिल्ह्यातील इंदापूर तालुक्यातील नरसिंगपूर येथे त्याचे चित्रिकरण झाले आहे. येत्या मार्च अखेरीस दोनशे चित्रपटगृहात हा चित्रपट प्रदर्शित होणार आहे. यामाध्यमातून अमोलचे स्वप्न साकार होणार असून याचे सर्व श्रेय तो आई-वडिलांना देतो. या चित्रपटातील अभिनय पाहून त्याला महाराष्ट्र कलाकार संघटनेचे अध्यक्ष लुनेश्वर भालेराव व नितीन सरोदय यांनी एका हिंदी चित्रपटासाठी त्याची निवड केली आहे. सध्या तो वर्दी या मालिकेत झळकणार आहे. तर अधुरी एक प्रेम कथा या चित्रपटात मुख्य नायकाचा रोल मिळाला असून एप्रिल नंतर या चित्रपटाच्या चित्रिकरणाला सुरूवात होणार आहे..

 

 

अखेर प्रकल्पाधिकारी शुक्राचार्य दुधाळ यांच्या सेवा समाप्तीचे आदेश

अपहार व फसवणूकीच्याप्रकरणी तळोदा पोलिस ठाण्यात फौजदारी गुन्हा दाखल होऊन दोन वर्षापासून जिल्हा कारागृहात बंदीवासात असलेल्या तसेच फौजदारी व न्यायालयीन कारवाई सुरु असलेल्या आदिवासी विकास प्रकल्प विभागाच्या तळोदा प्रकल्पाचे परिविक्षाधिन प्रकल्पाधिकारी शुक्राचार्य दुधाळ यांना निलंबित करण्यात आले आहे. शासनाचे सहसचिव सुनिल पाटील यांनी दुधाळ यांच्या सेवा समाप्तीचे आदेश बजावले आहेत. . याबाबत सविस्तर वृत्त असे की, आदिवासी विकास सेवेतील प्रकल्पाधिकारी या पदावर शुक्राचार्य दुधाळ यांची शासन निर्णयान्वये नियुक्ती करण्यात आली होती. दरम्यान, दुधाळ यांनी परिविक्षा कालावधीत कामाचा अपेक्षित दर्जा प्राप्त केला नाही. तसेच काम व वर्तवणूक अयोग्य व अशोभनिय आढळून आले. यासंदर्भात ५ ऑक्टोबर २०१५ रोजी तळोदा पोलिस ठाण्यात दुधाळविरुद्ध भादंवि कलम ४०९, ४२०, ४६७, ४३८, ४७१, ४७७ (अ), ३४ नुसार फौजदारी गुन्हा दाखल करण्यात आला आहे. दुधाळ हे दि.२ फेब्रुवारी २०१६ पासून नंदुरबार जिल्हा कारागृहात बंदीवासात असून त्यांच्याविरुद्ध फौजदारी व न्यायालयीन कारवाई सुरु आहे. यामुळे शासन परिपत्रक दि.७ मार्च १९८३ मधील तरतूदीनुसार दुधाळ यांना सेवेतून कमी करण्यास पात्र ठरत असून शासन निर्णय ८ जानेवारी २०१३ मधील अट क्र.(२)नुसार तसेच शासन परिपत्रक सामान्य प्रशासन विभाग क्र.पीएससी-१०८०/१११८/सीएन/८२/८०/८ दि.७ मार्च १९८३ मधील तरतूदीनुसार शुक्राचार्य दुधाळ यांच्या सेवा समाप्तीचे आदेश सहसचिव सुनिल पाटील यांनी बजावले आहेत.. दरम्यान शुक्राचार्य दुधाळ यांनी यावल येथील आदीवासी प्रकल्प कार्यालयात प्रकल्प अधिकारी म्हणून देखील सेवा बजावली आहे. त्यांच्या प्रकल्प अधिकारीच्या कार्यकाळात आदीवासी वसतीगृहाच्या मुलांनी मोठे आंदोलन केले होते. शुक्राचार्य दुधाळ यांची प्रशासकीय कारकीर्द ही वादग्रस्त ठरली.. *शिष्यवृत्ती अपहार प्रकरणात संशीयितआरोपी* तत्कालीन प्रकल्प अधिकारी शुक्राचार्य दुधाळ, दिनेश कोळी रा. नंदुरबार तसेच तुळजा भवानी महिला मंडळ आष्ठी, जिल्हा बीड यांचे अध्यक्षा श्रीमती. नालंदा बलभिम खाडे, श्रीमती. कमल मधुकर दळवी उपाध्यक्ष, श्रीमती. संगीता विष्णु दळवी सचिव, व स्वामी समर्थ सामाजिक बहुउदेशिय विकास संस्था, रंजाने तालुका शिंदखेड़ा, जिल्हा धुळे यांचे पदाधिकारी श्री.दिलीप संपत पाटील अध्यक्ष, साहेबराव मंगा बागुल उपाध्यक्ष, श्रीमती हीराबाई दीपचंद पाटिल सचिव, आदीं अपहार केला प्रकरणी बंदिवासात आहेत...