लोकप्रतिनिधी असावा तर असा.

पत्नी रूग्णालयात असतांनाही आ.पाडवींनी दिले वृक्षारोपणाला प्राधान्य

वृक्ष लागवड अभियानाचा काल शुभारंभ असतांनाच आ.उदेसिंग पाडवी यांच्या पत्नी अर्चना पाडवी यांची अचानक प्रकृती खराब झाल्याने त्यांचा रूग्णालयातील अतिदक्षता विभागात दाखल करण्यात आले होते. रात्रभर उपचार करूनही प्रकृतीत सुधारणा झाली नाही. मात्र काल वृक्ष लागवड मोहिमेचा पहिला दिवस असल्याने आ.पाडवी यांनी पत्नीला रूग्णालयातच सोडून कर्तव्याला प्राधान्य देत वृक्ष लागवड मोहिमेस हजेरी लावुन उत्साह वाढविला. आ.पाडवींनी यामुळे लोकप्रतिनिधींपुढे आदर्श निर्माण केला आहे.. पर्यावरणाच्या ढासळता समतोलावर नियंत्रण मिळविण्यासाठी शासनातर्फे १३ कोटी वृक्ष लागवड उपक्रम हाती घेण्यात आला असून जिल्ह्यात ५१ लाख वृक्षांची लागवड करण्यात येत आहे. काल वृक्ष लागवड मोहिमेचा पहिला दिवस होता. मात्र त्यातच आ.उदेसिंग पाडवी यांच्या धर्मपत्नी अर्चना पाडवी यांना श्वास घेण्यास त्रास होवु लागला. आ.पाडवी यांनी शनिवारी रात्री ठिकठिकाणी दूरध्वनीवरून स्थानिक डॉक्टरांशी संपर्क साधून उपचारास सुरूवात केली. मात्र अर्चना पाडवी यांच्या प्रकृतीत सुधारणा होत नसल्याने रात्री २ वाजेच्या सुमारास नंदुरबार येथील खाजगी रूग्णालयातील अतिदक्षता विभागात उपचारासाठी दाखल करण्यात आले. मात्र तरीही प्रकृतीत सुधारणा झाली नाही. असे असतांना काल मात्र वृक्ष लागवड मोहिमेचा पहिला दिवस असल्याने आ.पाडवी यांनी आजारी असणाऱ्या पत्नीला रूग्णालयातील अतिदक्षता विभागातच सोडून वृक्ष लागवड मोहिमेचा शुभारंभप्रसंगी हजेरी लावली. खरेतर पत्नी रूग्णालयात असतांना त्यांना वृक्ष लागवडीकडे दुर्लक्ष करता आले असते. . मात्र त्यांनी आधी कर्तव्य व नंतर कुटूंबाला प्राधान्य देत लोकप्रतिनिधीतील गुणांची ओळख करून दिली. तळोदा येथील स्वामीनारायण मंदिर परिसरात करण्यात आलेल्या वृक्ष लागवडीप्रसंगी ते म्हणाले की, पर्यावरणाचा समतोल बिघडत चालला असून यासाठी प्रत्येकाने पुढाकार घेवुन वृक्ष लागवडीसोबत वृक्ष संवर्धनाची जबाबदारी घेणे गरजेचे झाले आहे. आज पत्नी रूग्णालयात असून तिला माझ्या धीराची गरज असतांनाही मी वृक्ष लागवडीसाठी आलो असून कर्तव्याला प्राधान्य दिले आहे. प्रत्येकाने कर्तव्याला प्राधान्य दिल्यास वृक्ष लागवड चळवळ होवुन मोठ्या प्रमाणावर वृक्ष संवर्धन झाल्यास भविष्यात याचा फायदा होईल, असे आ.पाडवी यांनी सांगितले..

समस्या असल्यास ' जस्ट डायल टू नगरसेवक'

तळोद्यातील प्रभाग क्र.२ च्या नगरसेवकांचा मतदारांच्या समस्या सोडविण्यासाठी हेल्पलाईनचा उपक्रम 02

निवडणूक झाली की मतदार आणि उमेदवारांचे नाते संपते असे बऱ्याचदा बोलले जाते. एकदा निवडून आल्यानंतर पुढची निवडणूक येईपर्यंत निवडून आलेला उमेदवार मतदारांपर्यंत कधी पोहचत नाही. मतदारांच्या अडीअडचणी, समस्यांची त्यास काहीही देणे-घेणे अथवा सोयरसुतक नसते अशी चर्चा कायम ऐकण्यास मिळते. मात्र यास अपवाद ठरले आहेत ते तळोदा येथील प्रभाग क्रमांक दोनचे नगरसेवक हितेंद्र क्षत्रिय व नगरसेविका अनिता परदेशी. प्रभागातील मतदारांच्या समस्या जाणुन घेण्यासाठी स्वत: चा भ्रमणध्वनी क्रमांक हेल्पलाईन म्हणुन जाहीर करून ठिकठिकाणी फलक लावले आहेत. कोणत्याही प्रकारची समस्या असल्यास हेल्पलाईनवर संपर्क साधण्याचे आवाहन करून खऱ्या अर्थाने जनसेवक असल्याची प्रचिती दिली आहे.. तळोदा शहरातील प्रभाग क्रमांक २ चे नगरसेवक हितेंद्र क्षत्रिय व त्यांचे मित्र संदीप परदेशी व पत्नी नगरसेविका अनिता परदेशी याला अपवाद ठरले आहेत. जनतेने आपणास निवडून दिले आहे. आपण जनतेची सेवा करावी हा जणू चंगच त्यांनी बांधला आहे. निवडणूक सुरू होण्यापूर्वी त्यांनी उमेदवारी करीत असलेल्या प्रभागात स्व खर्चाने मूलभूत सुविधा पुरविल्याने ते चर्चेत आले होते. ठिकठिकाणी भूमिगत गटारी, विजेची सोय, पाण्याची सोय, लहान व वयोवृध्दांना करमणूकीचे साधन म्हणून उद्यान साकारले. निवडणूकीपूर्वी विकासकामे करणारे ते नंदुरबार जिल्ह्यातील एकमेव नगरसेवक ठरले. प्रभागातील समस्यांसाठी वेळोवेळी पालिकेत ते आवाज उठवत समस्या मार्गी लावण्यास प्रयत्नशील राहतात. वेळोवेळी प्रभागात फिरून नागरिकांच्या सुख: दुख:त सहभागी होत संवाद साधणे, अडीअडचणीसाठी धावून जात प्रश्न सोडविण्यासाठी प्रयत्नशील आहेत. प्रभागातील नागरिकांच्या पालिकेशी संबधित असलेल्या समस्यां जाणून त्यावर उपाययोजना करता यावी याकरिता त्यांनी ठिकठिकाणी वर्दळ असलेल्या १४ ठिकाणी, संपर्क फलक लावून हेल्प लाईन नंबर जाहीर केले आहेत. यामुळे आता मतदारांना हेल्पलाईनवर संपर्क साधून समस्येची मांडणी करणे सोयीचे झाले आहे..

*प्रतिक्रिया* 
युवा नगरसेवकांनी राबविलेल्या उपक्रम हा पथदर्शी असून खान्देशात अश्या प्रकारे फलकांवर हेल्पलाईन नं. लावलेले पाहण्यात आले नाहीत. नगरसेवकांचे कर्तव्य बऱ्याचवेळा नगरसेवक विसरतात, निवडून आल्यानंतर प्रभागात फिरकत नाहीत, प्रभाग क्र.२ मधील युवा नगरसेवकाची समाजकारणासाठी असलेली धडपड उल्लेखनीय आहे. . - 
अमित कलाल. 
रहिवासी.


*प्रतिक्रिया* 
जनतेने आमच्यावर विश्वास दर्शवत सेवा करण्याची संधी दिली आहे. मागील अनेकवर्षापासून या प्रभागात आवश्यक त्या सुविधा पुरविल्या गेलेल्या नाहीत. प्रभागात निवडून आल्यापासून स्व खर्चाने अनेक कामे मार्गी लावले आहेत. अनेकवेळा प्रभागातील नागरिक घरी कार्यालयात व ठिकठिकाणी आमचा शोध घेतात त्याची फिरफिर होऊ नये समस्यां तातडीने मार्गी लागावी याकरिता साधारणतः 15 सार्वजनिक ठिकाणी फलक लावून हेल्पलाईन नो जारी केले आहेत. जनतेने सेवेचा लाभ घ्यावा. 
       हितेंद्र क्षत्रिय 
 नगरसेवक न.पा.तळोदा

 *प्रतिक्रिया* 
सर्वसामान्य जनतेला विज, पाणी व स्वछता या तीन गोष्टी महत्त्वाच्या असतात. सदर समस्यां घर बसल्या तातडीने सुटाव्यात, याकरिता कर्तव्य प्रामाणिक पणे पार पाडण्याचे प्रयत्न करीत आहोत नागरिकांनी प्राथमिक सुविधा, समस्या, प्रश्न या हेल्प लाईन नंबरवर कळवावे त्वरित सोडविण्यात येतील असे आवाहन केले आहे.
 सौ अनिता संदीप परदेशी 
 नगरसेविका न पा तळोदा