१४ नोव्हेंबर २०२४
आम्ही पहाटे सहा वाजता सुवर्ण मंदिराच्या दर्शनासाठी लवकर निघालो. दुसऱ्या दिवशी गुरू नानक जयंती असल्याने मोठ्या प्रमाणात भाविक मंदिरात जमले होते. त्यामुळे संपूर्ण परिसर भक्तीभावाने आणि उत्साहाने भरून गेला होता. मंदिराच्या परिसरात वातावरण अतिशय प्रफुल्लित होते, आणि सर्वत्र भक्तांची भल्या मोठ्या रांगा लागलेल्या होत्या. सकाळीच आम्हाला मंदिराचे दर्शन घेता आले, आणि त्या पवित्र दर्शनानंतर मनात एक वेगळाच आनंद आणि समाधान होते.दर्शन घेतल्यावर प्रसाद स्वीकारला आणि नंतर लंगरमध्ये जाऊन उभे राहिलो. लंगरमधील अनुभव खूपच खास होता - तेथे सर्वांना समान भावाने अन्न मिळते, आणि तो क्षण खूपच भावनिक वाटला.
दर्शन आणि लंगर झाल्यावर आम्ही जालियानवाला बाग परिसरात फिरायला गेलो. त्या ठिकाणी इतिहासाची आठवण करून देणारे स्थळ पाहताना एक वेगळाच भावुक अनुभव आला. त्यानंतर, आम्ही स्थानिक मार्केटमध्ये थोडी किरकोळ खरेदीही केली, जिथे पंजाबची संस्कृती आणि परंपरा अनुभवायला मिळाली. यासोबतच प्रसिद्ध पंजाबची लस्सी पिण्याचा आनंद घेतला, ज्याने या प्रवासाचा गोडवा आणखी वाढवला. हा प्रवास अतिशय आनंददायक आणि संस्मरणीय होता.
कोणत्याही टिप्पण्‍या नाहीत:
टिप्पणी पोस्ट करा