आज अचानक पाऊस आला
अंतरी उमलला पावसाळा
भिजवु नये म्हणून घेतला
आडोसा जवळ वाहनाचा
कळले जेव्हा कांदे त्यात
आठवले मला डोळे तुझे
कातर आठवणीने भारलेले
ढाळीत अश्रू संतत पावसाळा
भिजलो जरीही होतो बाहेर
अन अंतरी चिंब पावसाळा
अंगावरी थेंब थोडे थोडे
आठवांचा ओथंबला पावसाळा
ढगांचे डोळ्यातले काजळ
अन देशांतरीचा पावसाळा
पाऊस किती चालला आज
अगदी पावलांवर तिच्या
ती तशीही येत असते आठवात
आज आला तिच्यासारखा पावसाळा
पाऊस आता थांबला होता
हिवाळा उधळत वारा आला
उब आठवणीची तग धरून
एक आठव सांद्र उमलून गेला पावसाळा
बाहेर पाऊस थांबला जरी
अंतरी मात्र तसाच आहे पावसाळा
कोणत्याही टिप्पण्‍या नाहीत:
टिप्पणी पोस्ट करा