शिक्षण महर्षी आप्पासाहेब लक्ष्मणराव माळी यांना मानाचा मुजरा !
महाभारताचे युद्ध सर्वाना परिचित आहे. या युद्धात पांडवांचा विजय झाला, युद्धानंतर विजयी पांडव अमर राहू शकले नाही. हे अनेकाना कदाचीत माहितही नसावे, स्वर्ग वाटेवर जाणारे पांडव एक एक करुण जमीनीवर कोसळले अनं त्यांचा स्वर्गवास थांबला ठेच लागुन पांचाली द्रोपदी कोसळली, धर्मराज पुढे चालत राहिले भिमाला राहवले गेले नाही, त्याचे प्रेम पाहून उच्चारलेले दोन शब्द ``थोरलाहो'' हिच महाभारत महारचनेची खरी गाथा आहे. द्रोपदीला थोर भाऊ अपेक्षित होता, कारण तो स्वर्गात घेऊन जाऊ शकत होता. मानवी
जीवनातल्या महाभारतात थोरल्याची हजारो वर्षापूर्वी धर्मराज युधिष्ठिरच्या असाच कर्तव्य कठोर वागणूकीने सिद्ध केले घरातली थोरली व्यक्ती कशी असावी, याचे दर्शन त्या व्यक्तीच्या कार्य कुशलता, धीर गंभीर धिरगंभीरता निर्णयक्षमता, प्रेम, स्नेहभाव यावर आधारलेली असते. मागुन मान मीळत नसतो, इतरानी तो स्वतःहुन द्यायचा असतो. स्वर्गवासी बबनराव छगनराव माळी यांच्या घरात थोरल्यारूपी आप्पासाहेब लक्ष्मणराव माळी यांची समाज कुटुंब अन सर्वदुर अशीच ख्व्याती आहे. न मागता न बोलता मान असणारा देव
माणुस म्हणून आप्पासाहेबाना मीळवलेली किर्ती, अन जोडलेली माणसे, शब्दात न मोजनारी आहेत. अत्यंत साध्या सरळ स्वभावाच्या आप्पासाहेबांचा वाढदिवस प्रत्येक कुटुंबातील कुटुंबप्रमुखाचा साक्षात् धर्मराज युधिष्टिराचा वाढदिवस म्हटल्यास वावगे ठरणार नाही.
सबका मालीक एक या तत्वाला मानणारे, सर्व धर्मियांचा आदर करणारे शिक्षण महर्षी माननीय आप्पासाहेब लक्ष्मण बबनराव माळी यांचा वाढदिवस आज मोठ्या उत्साहात साजरा होतो आहे. तळोदा, अक्कलकुवा तालुक्यातील सर्वात जुनी शैक्षणिक संस्था पी. ई. सोसायटीचे ते गेल्या १३ ते १४ वर्षापासुन अध्यक्ष आहेत. त्यांच्या कार्यकाळात ही संस्था मोठ्या वैभवास प्राप्त झाली. आदिवासी भागात शाळा, कॉलेजेसच्या माध्यमातून तळोदा, अक्कलकुवा तालुक्यातील दुर्गम भागातील आदिवासी विद्यार्थ्यांना त्यांनी शिक्षणाची द्वारे मुक्त केली. पी. ई. सोसायटींच्या शाळेत शिकून असंख्य विद्यार्थी मोठ्या पदावर गेले आहेत. याचे श्रेय आप्पासाहेब
लक्ष्मण माळी यांना जाते. मागास भागातील शैक्षणिक संस्थांची अवस्था काय असते ? हे सर्वांना माहित आहे. परंतु आप्पासाहेब लक्ष्मण माळी यांनी आपल्या शैक्षणिक संस्थेला एक वेगळे स्वरूप प्राप्त करून दिले. या संस्थेतून ज्ञानाची दिक्षा घेणारे विद्यार्थी तयार झाले पाहिजेत असा त्यांचा संकल्प आहे. त्यामुळे संस्थेतील शिक्षक, कर्मचारी वर्ग मोठ्या परीश्रमाने संस्थेच्या नांव लौकीकात भर घालत आहे. कमी बोला व जास्त ऐका या संतांच्या शिकवणी प्रमाणे आप्पासाहेबांचे बोलणे कमी असते परंतु आपल्या बोलण्यातून योग्य तो संदेश देण्याची कला त्यांच्यात आहे. त्यामुळे पी. ई. सोसायटी सारख्या मोठ्या संस्थेचा कारभार ते समर्थपणे चालवत आहेत. तळोदा, अक्कलकुवा, खापर, प्रतापपुर, बोरद या परीसरातील जनतेसाठी आप्पासाहेबांनी शिक्षणाची दारे खुली करून दिली आहेत. जेणेकरून या परीसरातील मुले शिकून सवरून मोठे होतील. आणि आपला विकास करतील. हे ध्येय डोळ्यासमोर ठेवून आप्पासाहेबांचे कार्य सुरू आहे. पिताश्री स्व. बबनराव माळी (पहेलवान) व आई विमलताई माळी यांच्या आशिर्वादाने आप्पासाहेबांनी हे यश मिळविले आहे. लहान बंधू भरतभाई माळी व संजय माळी यांची त्यांना साथ मिळाल्याने आप्पासाहेबांनी कधी
मागे वळून पाहिले नाही. आप्पासाहेबांचे लहान बंधू भरतभाई माळी हे महाराष्ट्र, गुजरात, मध्य प्रदेश माळी समाज सुधारणा मंडळाचे अध्यक्ष आहेत. तसेच ते तळोदा पालीकेचे गट नेते व माजी नगराध्यक्ष आहेत. दुसरे बंधू संजय माळी हे नगरसेवक असून गणेश सोशल गु्रपच्या माध्यमातून त्यांचे समाजकार्य चालते.
स्व. बबनराव पहेलवान यांच्या निधनानंतर सार्या कुटूंबाला आप्पासाहेब लक्ष्मण माळी यांनी आधार दिला. वटवृक्षासारखी मायेची सावली दिली. सतत कार्य मग्न राहणे हा आप्पा साहेबांचा स्वभाव आहे. कामात असले तरी कुटूंबातील प्रत्येक व्यक्तीवर त्यांचे लक्ष असते. शैक्षणिक संस्थेचा व्याप त्यांच्या मागे असला तरी ते घरच्या शेतीत चांगलेच रमतात. शेतीत नवनवीन प्रयोग राबवून चांगले उत्पन्न काढल्यामुळे त्यांचा प्रगतीशील शेतकरी म्हणून ते प्रसिद्ध आहेत. आप्पा साहेबांना त्यांच्या पत्नी सौ. शारदाबाई यांची मोलाची साथ लाभली आहे. त्यांच्या स्नुषा सौ. योजनाताई भरत माळी ह्या तळोदा नगरपालीकेच्या नगराध्यक्षा आहेत. आप्पासाहेब लक्ष्मण माळी यांचे तीनही चिरंजीव शैक्षणिक कार्यात अग्रेसर आहेत. आप्पासाहेबांचे जीवन म्हणजे एक मार्गदर्शक दिपस्तंभा सारखे आहे. अशा मार्गदर्शक नेतृत्वास वाढदिवसाच्या मनःपूर्वक शुभेच्छा ! तसेच त्यांना दीर्घ आयुष्य लाभो !
हीच सदिच्छा !
शब्दांकन- श्री.सुधाकर मराठे
न्यु इंग्लिश स्कूल व ज्यु कॉलेज अक्कलकुवा
कोणत्याही टिप्पण्‍या नाहीत:
टिप्पणी पोस्ट करा