तळोदा तालुक्यातील गुंजाळी शिवारात ऊसतोडणी करीत असतांना मजुरांना बिबट्याचे तीन बछडे आढळून आले. वन कर्मचाऱ्यांनी घटनास्थळी भेट देऊन बछड्यांवर नजर ठेऊन होते. काल दि.१८ रोजी पहाटेच्या सुमारास आईपासून बिछडलेल्या मादीने आपल्या तिघा बछड्यांना घेऊन गेली आहे. . तळोदा शहरापासून १० कि.मी.अंतरावरील गुंजाळी गावात योगेश सुभाष शर्मा यांच्या शेतात ऊसतोड सुरु असतांना मजूरांना बिबट्याचे एक महिन्यांचे तीन बछडे मिळून आले. सदर घटनेची वनविभागाला माहिती मिळताच वनक्षेत्रपाल निलेश रोडे, वनपाल आर.बी.वायकर, वनपाल ए.सी.पाटील, वनरक्षक शरद मोरे, सचिन वाघ यांच्यासह वनकर्मचाऱ्यांनी घटनास्थळी जाऊन पाहणी केली होती. ऊसतोड थांबवून परिसर मोकळा केला होता. बछड्यांना ताब्यात घेऊन त्यांची निगा राखणे, त्यांना पोषक आहार देणे कठीण होत असल्यामुळे वनविभागाने बछड्यांना ताब्यात न घेता त्याच ठिकाणी बछड्यांवर वनकर्मचारी नजर ठेऊन होते. मध्यरात्री त्या भागात पिल्लांसाठी व्याकुळ झालेली बिबट्या मादी डरकाळी फोडत पिलांना आवाज देत त्यांचा शोध घेत होती. यावेळी बछड्यांकडून प्रतिसाद मिळाल्याने काल रविवारी पहाटेच्या सुमारास बिछडलेल्या बछड्यांची बिबट्या मादीची भेट झाली. बिबट्या मादीचे आपले बछडे सोबत नेत्यांना दिसून आल्याचे वनमजूर भिमसिंग कोठारे, सुनिल वळवी, प्रताप डमकूल, जोला ठाकरे यांनी प्रत्यक्ष पाहिले. तसेच यासंदर्भात वनविभागाला कळविले. काही तासातच विभक्त झालेले बिबट्या मादी व बछड्यांची भेट झाल्याने वनविभागाने समाधान व्यक्त केले आहे..
कोणत्याही टिप्पण्‍या नाहीत:
टिप्पणी पोस्ट करा