तळोदा येथील वनविभागातील सेवेच्या माध्यमातून वन संरक्षण व वन्यजीव संरक्षणच्या माध्यमातून उत्कृष्ट कार्य सेवा केल्याबद्दल सोमावल येथील वनरक्षक सुरेश देसले यांच्या कार्याची दखल घेत राज्यपाल विद्यासागर राव व मुख्यमंत्री देवेंद्र फडणवीस यांच्या हस्ते सुवर्णपदक देवून त्यांचा सन्मान करण्यात आला.
मुंबई येथील मंत्रालयात कार्यक्रम झाला. याप्रसंगी वनमंत्री सुधीर मुनगंट्टीवार, राज्यमंत्री दीपक केसरकर, मुख्य सचिव महाराष्ट राज्य सुमित माणिक, विकास खार्गे, सचिव वने यांच्यासह विविध मान्यवर उपस्थित होते. वनसंपत्ती संरक्षक व संवर्धनाचे काम प्रभावीपणे करणार्‍या वनअधिकारी व कर्मचार्‍यांचे मनोधेर्य वाढविण्यासाठी राज्यस्तरावरुन पुरस्कार देण्यात आला. यात तळोदा तालुक्यातील सोमावल येथील वनरक्षक सुरेश देसले यांच्या उत्कृष्ट सेवेबद्दल त्यांना उत्कृष्ट वनरक्षक पुरस्कारासाठी निवड करण्यात आली. तसा प्रस्ताव तळोद्याचे वनक्षेत्रपाल अशोक पाटील यांनी त्यांच्या कार्याची दखल घेवून प्रशासनाकडे पाठविला होता. वनरक्षक सुरेश देसले यांनी केलेल्या उल्लेखनीय कामगिरीबद्दल राज्यपाल विद्यासागर राव, मुख्यमंत्री देवेंद्र फडणवीस, वनमंत्री सुधीर मुनगंट्टीवार यांच्या हस्ते त्यांना पुरस्कार देवून सन्मानित करण्यात आले. देसले हे वनविभागात गेल्या दहा वर्षांपासून कार्यरत आहे. पुरस्कार मिळाल्याबद्दल वनक्षेत्रपाल अशोक पाटील, सहाय्यक वनरक्षक बी.एन.पिंगळे आदींनी त्यांचे कौतूक केले आहे.सुरेश देसले यांनी या पूर्वी ओघनी वनक्षेत्र खापर तालुका अक्कलकुवा येथे काम केलं असून तळोदा वनक्षेत्रात आमोनी, अरेठी वनक्षेत्रात, उत्कृष्ट काम केलं आहे, विविध प्रशिक्षण सहभाग तसेच वनसरंक्षक व गुन्हा कामी वन वणवा नियंत्रण, वृक्ष लागवड श्रमदानातून वन्यपशु व पक्षी यांच्याकरिता कार्य मानव व वन्यप्राणी संघर्ष व सहउपाय योजना केल्या आहेत, तसेच सुरेश देसले यांनी विविध जागतिक स्तरावर दुर्मिळ झालेल्या प्राण्यांचा जीव वाचवण्यात त्यांना यश आले आहे. गिधाड पक्षी जखमी अवस्थेत वाल्हेरी नदीतून सुखरुप बाहेर काढून त्यांना जीवदान दिले. गुजरात राज्यहद्दीत सापडलेल्या दुर्मिळ स्टार प्रजातीचा कासवास सुखरूप वरिष्ठ मार्गदर्शन खाली गुजरात वनविभागाचा हवाली केले. सिलिंगपूर वनक्षेत्रात मृत तरस आढल्याने त्याची वरिष्ठच्या मार्गदर्शन खाली नियमानुसार अंत्यसंस्कार केले. तसेच शालेय विद्यार्थी व कर्मचारी ग्रामस्थ यांचा मदतीने वन्यप्राणी साठी छोटे बांधारे तयार केलं आहेत.
कोणत्याही टिप्पण्‍या नाहीत:
टिप्पणी पोस्ट करा