हातोडा पुलावरील खड्ड्यांसह भगदाड बुजण्यास सुरुवातहातोडा पुलावरील जोड रस्त्यालगत भगदाड पडल्याने अपघात होण्याची शक्यता निर्माण झाली होती. सदर पुलाचे सहा महिन्यापुर्वी लोकार्पण होवून वाहतुकीला खुला करण्यात आला आहे. नित्कृष्ट कामामुळे वारंवार पुलावर खड्डे, भगदाड पडत आहेत. पुलाच्या गुणवत्तेबाबत नागरीकांसह वाहनधारकांनी प्रश्न उपस्थित केला आहे. तर नुकत्याच पडलेल्या भगदाडबाबत दै.'पुण्यनगरी' शनीवारच्या अंकात सचित्र बातमी प्रकाशित केली होती. या बातमीनंतर बांधकाम विभाग खडबडून जागा झाला असून ठिकठिकाणी पडलेले खड्डे व भगदाड बुजण्याचे काम हाती घेण्यात आले आहे. . तापी नदीवरील हातोडा पुलाच्या कामासाठी कोट्यावधी रुपये खर्च करण्यात आले आहेत. मात्र हा पूल बांधकाम ते उद्घाटन असा सतत चर्चेंत राहिला आहे. अवघ्या सहा महिन्यात पुलाला जोडणाऱ्या रस्त्यादरम्यान एक मोठ भगदाड पडून जोड रस्त्यादरम्यान भराव खचल्याने याठिकाणी मोठ्या अपघाताची शक्यता निर्माण झाली होती. याबाबत दै.'पुण्यनगरी' सचित्र वृत्त प्रकाशित केले. वृत्त प्रकाशित होताच बांधकाम विभाग खडबडून जागे झाले शनीवारी सकाळी जोड रस्त्यादरम्यान पडलेले भगदाड बुजण्याचे काम हाती घेण्यात आले आहे. मात्र, खचलेला भराव तसाच असून यामुळे अपघाताची शक्यता वाहनधारकांनी बोलून दाखविली आहे. .
कोणत्याही टिप्पण्‍या नाहीत:
टिप्पणी पोस्ट करा