जनतेचा खरा सेवक - हितेंद्र श्रवणसिंह क्षत्रिय

   "कुछ लोग ऐसे होते हैं जो अपने लिए नहीं, दूसरों के लिए जीते हैं!" या चित्रपटातील ओळीसारखे काही माणसं असतात, जी स्वतःच्या यशापेक्षा जनतेच्या हाकेला प्रतिसाद देण्यासाठी झटतात.

              तळोद्याच्या मातीतून असेच एक झुंजार, प्रामाणिक आणि संवेदनशील नेतृत्व घडले ते म्हणजे *हितेंद्र श्रवणसिंह क्षत्रिय!*

        साध्या परिस्थितीतून प्रामाणिक मेहनतीने जीवनाचा प्रवास सुरू करून, आज ते जनतेच्या मनातील "हीरो" झाले आहेत. संकटसमयी मित्रांसाठी धावून जाणारे, समाजासाठी नवनवीन उपक्रम राबवणारे, आणि कार्यकर्त्यांसाठी आधारस्तंभ असलेले हितेंद्र क्षत्रिय यांचा आज वाढदिवस ...

*"हीरो जन्मत नाही, तो घडतो — संघर्षातून, प्रेमातून, आणि सेवेतून!"*

        तळोद्याचा मातीत श्रवणसिंह क्षत्रिय यांच्या कुटुंबात जन्मलेले हितेंद्र क्षत्रिय यांनी आपल्या जीवनाची सुरुवात अत्यंत साध्या आणि गरिबीच्या परिस्थितीतून केली. त्यांच्या कुटुंबाचा पारंपरिक व्यवसाय करत त्यांनी प्रामाणिकपणा, कठोर परिश्रम आणि धैर्याच्या जोरावर त्यांनी आपल्या जीवनाला एक नवा आकार दिला.

 

हितेंद्र क्षत्रिय हे स्वतःपेक्षा दुसऱ्यांची काळजी घेणारे व्यक्तिमत्त्व आहे. संकटसमयी मित्रांच्या मदतीला धावून जाणारे, सामाजिक कार्यात सदैव अग्रेसर राहणारे, आणि जनतेच्या हितासाठी झटणारे असे ते नेहमीच ओळखले जातात.

 

ते माजी बांधकाम सभापती आणि माजी उपसभापती (तळोदा कृषी उत्पन्न बाजार समिती) म्हणून जबाबदारी सांभाळून कार्यरत राहिले. तसेच श्री. गणेश सोशल ग्रुपचे उपाध्यक्ष म्हणून विविध सामाजिक उपक्रम राबवले. ते प्रभाग क्रमांक २ मधून, मुस्लिम बहुल वॉर्डातून निवडून आलेले सक्रिय नगरसेवक आहेत.

 

         हितेंद्र क्षत्रिय यांची राजकीय वाटचालही अत्यंत प्रेरणादायी आहे. शहरातील राजकारणाचे केंद्रबिंदू भरत माळी यांच्या नेतृत्वाखाली त्यांनी आपली राजकीय कारकीर्द सुरू केली. सलग चार वेळा निवडून आलेले नगरसेवक संजय माळी, जिवा भावाचे मित्र योगेश मराठे व संदीप परदेशी व मित्र परिवार यांच्या सहकार्याने श्री. गणेश सोशल ग्रुप स्थापन करून समाजकारणाला गती दिली.

 

              गरिबांच्या मदतीसाठी तत्पर राहणारे हे युवा नेतृत्व म्हणजे खऱ्या अर्थाने "गौर गरिबांचा आधारस्तंभ" आहे. राजकीय प्रवासात त्यांनी काही कारणास्तव काँग्रेस पक्षातून बाहेर पडून माजी आमदार उदेसिंग पाडवी यांच्या नेतृत्वाखाली राष्ट्रवादी काँग्रेस पक्षाला बळकट करण्यासाठी मोलाचे योगदान दिले.

 

           2025 साली, त्यांनी शिवसेनेत प्रवेश केला आणि आमदार चंद्रकांत रघुवंशी व आमदार आमश्या पाडवी यांच्या नेतृत्वाखाली नवे राजकीय पर्व सुरू केले.

 

       हितेंद्र क्षत्रिय यांनी केवळ राजकारणातच नव्हे तर जनतेच्या मनातही अढळ स्थान निर्माण केले आहे. *"किसका आदमी है? हीतू दादा का!"* असे सहज आणि अभिमानाने त्यांच्या कार्यकर्त्यांच्या तोंडून ऐकायला मिळते. त्यांच्या प्रेमापोटी, प्रकाश पाडवी या जिवाभावाच्या कार्यकर्त्याने तर हनुमानासारख्या भक्तीभावाने हितेंद्र क्षत्रिय यांचे छायाचित्र थेट आपल्या छातीवर रेखाटले आहे!  हा प्रसंग हितेंद्र क्षत्रिय यांच्यावरील प्रेम, निष्ठा आणि श्रद्धेचा सर्वोच्च नमुना आहे...

 

**हितेंद्र क्षत्रिय** म्हणजे

 

- लोकसेवेची ओढ असलेला नेता,

 

- गरिबांसाठी धावून जाणारा मित्र,

 

- आणि "नगरसेवक कसा असावा" याचे जिवंत उदाहरण!

 

गरिबाच्या घामाला किंमत देणारा, मित्राच्या दुःखात मिठी घालणारा, आणि तळोद्याचा खरा शिलेदार त्यांच्या या कार्यशील, प्रामाणिक आणि संवेदनशील व्यक्तिमत्त्वाला आज त्यांच्या वाढदिवसानिमित्त हार्दिक शुभेच्छा!

 

*"दीर्घायुष्य लाभो, आरोग्य उत्तम राहो आणि जनसेवेत नवनवीन यश मिळो."*

सुधाकर मराठे 

...तळोदा....

यथार्थचा क्रिकेट प्रवास: एक छानसा अनुभव

   यथार्थचा व्यक्तिमत्व जितकं निरागस आहे, तितकाच तो खोडकरही आहे. घरात तो असला की वातावरण एकदम सक्रिय आणि खोड्या काढण्यात तर तो उस्ताद आहे. त्याची उत्साही आणि भयंकर स्टॅमिना असलेली भावना नेहमीच घरात चैतन्य निर्माण करते.

सुरुवातीला त्याला क्रिकेट खेळता येत नव्हते. बॅट रस्त्यावर आपटल्यामुळे त्याच्या बॅट्सचे फुटणे ही एक दुरुगतच बनली. त्याच्या मित्रांच्या खेळाची पाहणी करताना त्याला निराशा होऊ लागली होती. यथार्थची निराशा पाहून, वडील या नात्याने ते आवडायचे नाही. पण एक दिवस,  17 एप्रिल रोजी माझ्या जवळचा मित्र सारंग शेंडे याच्या मुलगा केतन शेंडे यास क्रिकेट खेळताना पाहिलं. केतनचा खेळ छान होतं आणि यथार्थला त्याच्या समवयीन मुलांबरोबर खेळायला संधी देण्याचं ठरवलं.

नंतर मी यथार्थ आणि केतन यांना स्पोर्ट्स दुकानात नेलं आणि दोघांना बॅट आणि बॉल घेऊन दिलं. त्यानंतर यथार्थने दररोज कष्ट घेतले आणि गल्ली क्रिकेट सुरू केलं. आता 15 दिवस झालेत आणि यथार्थ छान खेळायला लागला आहे. बॅटला चेंडू लागायला लागला आहे, तसेच त्याला बॅट घेऊन उभं राहाणं आणि बेसिक क्रिकेटचे नियम समजून खेळायला शिकला आहे.

हा अनुभव खूपच आनंददायक आहे, कारण यथार्थने आपली मेहनत आणि इच्छाशक्ती दाखवून एक नवीन गती पकडली आहे....

के.आर पब्लिक स्कूलच्या शिशुकुंज विभागात "Best Student of the Month" पुरस्कार प्रदान

नंदुरबार : केअर पब्लिक स्कूलच्या शिशुकुंज विभागात "Best Student of the Month" प्रमाणपत्र वितरण सोहळा पार पडला. विद्यार्थ्यांना प्रोत्साहित करण्याच्या उद्देशाने प्रत्येक वर्गातील एका विद्यार्थ्याची निवड त्यांच्या अभ्यास, वर्तन, शिस्त आणि एकूणच सहभागाच्या आधारे विद्यार्थ्यांची निवड करण्यात आली. 

             या महिन्यासाठी निवड झालेल्या विद्यार्थ्यांमध्ये यथार्थ मराठे याचा देखील समावेश होता. शाळेच्या वतीने प्रमाणपत्र देऊन त्याला गौरवण्यात आले. शाळेच्या या उपक्रमामुळे विद्यार्थ्यांना शैक्षणिक व वैयक्तिक प्रगतीसाठी प्रेरणा मिळत आहे, असे शिक्षक आणि पालकांचे मत आहे..

साधेपणात लपलेला मोठा अर्थ: प्रशांत पाटील

सुधाकर मराठे

 

       जीवनात कधीही बडेजाव न मिरवता, त्यांनी एक साधा पण प्रेरणादायी प्रवास केला आहे. निर्व्यसनी, प्रामाणिक आणि कष्टाळू स्वभावामुळे त्यांनी आपल्या मार्गातील संकटांवर मात केली आहे. गरिबीतून उभे राहून त्यांनी जिद्दीच्या बळावर आपले स्थान निर्माण केले आहे. त्यांच्या सहकार्यशील वृत्तीमुळे, ते नेहमीच समाजातील सर्वांशी सुसंवाद साधून, सर्वांना बरोबर घेऊन चालतात. प्रशांत पाटील हे एक समर्पित, प्रामाणिक आणि माणुसकी असलेले व्यक्तिमत्त्व आहे, ज्यांनी साधेपणातच महानतेचा खरा अर्थ शोधला आहे. नेहमी सर्वांना सोबत घेऊन चालणारे व्यक्तिमत्त्व आहे. त्यांच्या साधेपणातून, प्रेमळपणातून आणि सहकार्याच्या वृत्तीमुळे ते आजही लोकांच्या हृदयात स्थान टिकवून आहेत.         

         प्रशांत जीवन पाटील यांचा जन्म ८ मार्च १९८७ रोजी तळोदा, जि. नंदूरबार येथे झाला. एक गरीब कुटुंबात जन्मलेले प्रशांत यांचे जीवन अनेक आव्हानांनी भरलेले आहे. त्याचे वडील पान टपरीचा व्यवसाय करतात, ज्यामुळे घराचा आर्थिक गाडा चालवणे सोपे जात नाही. तथापि, त्यांच्या कुटुंबाने सदैव लढाईचे आत्मबल जपले आहे.

             प्रशांतच्या आजोबांचे नाव नारायण पाटील, जे हिंदू विचारधारेचे आर.एस.एस.चे कार्यकर्ते होते. त्यांनी कालांतराने तालुक्यात भाजप जिवंत ठेवण्यासाठी एकत्रित लढा दिला. त्यांच्या प्रेरणेमुळे प्रशांतने जीवन प्रवास सुरू केला, ज्यात सामाजिक आणि राजकीय परिवर्तनाचा समावेश होता.  

        शिक्षणाच्या बाबतीत प्रशांतची खूप गोडी नसली, तरी क्रिकेट खेळाची त्याला अपार आवड आहे. क्रिकेट खेळण्यामुळे त्याला मित्रपरिवार जोडण्यात विशेष सामर्थ्य मिळाले. तो नेहमी आपल्या मित्रांना वेळ देतो, त्यांना समजून घेण्याचा प्रयत्न करतो. एक साधा, भोळा आणि सर्वांना घेऊन चालणारा, प्रशांत हा सर्वांसाठी एक दिलदार आणि सदाबहार मित्र आहे.प्रशांतला प्रेमाने लोट्या म्हणून ओळखले जाते. हे नाव हिंदी सिनेमातील एखाद्या डाकूसारखे वाटत असले तरी, त्याचे व्यक्तिमत्त्व त्याच्या नावाच्या विपरीत आहे. तो एक साधा, भोळा आणि सर्वांसाठी समर्पित मित्र आहे. 

          कुटुंबाची हालाखीची परिस्थिती त्याला चांगली माहिती आहे, त्यामुळे त्याने त्यावर मात करण्यासाठी प्रयत्न केले. पान टपरीवर उदरनिर्वाह भागवणे कठीण असल्याने, प्रशांतने खाजगी वाहनांवर चालक (ड्रायव्हर) म्हणून काम केलें. नाशिक येथे कुटुंबासह जाऊन भाजीपाला विक्री व्यवसाय सुरू केला. या धाडसी निर्णयात त्याला त्याची पत्नी करिष्मा पाटील याचीही साथ लाभली. त्यांच्या सहकार्यातून त्यांनी आपल्या कुटुंबाचा आर्थिक आधार मजबूत केला आहे. त्यांना एक मुलगा आणि एक मुलगी असून, हे त्यांच्या कुटुंबाच्या प्रेमाचे प्रतीक आहे.. 

         

  त्यांचे पहिले तत्त्व म्हणजे “शब्द दिला म्हणजे पाळला पाहिजे.” हे एक नैतिक मूल्य आहे जे प्रशांतच्या कुटुंबाने नेहमी जपले आहे. त्यांनी दिलेल्या वचनांची महत्त्वाकांक्षा जपणे, आणि तिला पूर्ण करणे याला त्यांनी आपल्या जीवनाचा आधार बनवला आहे.

             कुणाकडून पैसा घेतल्यास, तो परत करणे हे त्यांच्या दृष्टीने अत्यंत महत्त्वाचे आहे. हे व्यवहारिक नैतिकतेचे एक ठोस उदाहरण आहे. कष्टाची कदर करणे आणि कोणाचे हरामाचे खाणे हे कुटुंबात स्वीकारले जात नाही. त्यांनी त्यांच्या कष्टाचे मूल्य नेहमी जपले आहे, ज्यामुळे त्यांच्या जीवनात एक विशिष्ट स्थिरता आणि शांती आहे.

         वडिलोपार्जित जागेवर घर बांधण्यासाठी प्रशांत आणि त्यांचे कुटुंब सक्रियपणे धडपड करत आहेत. हे त्यांच्या कार्यक्षमतेचे आणि त्यांच्या कुटुंबाच्या भविष्याच्या सुरक्षिततेसाठी घेतलेल्या मेहनतीचे प्रतीक आहे. प्रशांतचा या प्रक्रियेत सक्रिय सहभाग कुटुंबाच्या एकतेचे आणि एकत्रितपणे कार्य करण्याच्या क्षमतेचे दाखले देतो.