अथक प्रयत्न, कठोर मेहनत व जिद्दीच्या जोरावर रतीलाल पावराने डोंगराळ जमिनीवर फुलवली आमराई...

तळोदा तालुक्यातील सातपुड्याच्या पहिल्या रांगेतील डोंगर कपारीत असलेल्या रावलापाणी या ऐतिहासिक भूमीवर पाणी विज व रस्ताची समस्यां, असताना त्यावर मात करत केवळ आपल्या जिद्द व चिकाटीने रतिलाल कामा पावरा या तरुणाने वनहक्क दाव्यानुसार मिळालेल्या डोंगराळ जमिनीवर 200 आंब्याची रोप लावत आमराई फुलवली आहे.
                               तळोदा तालुक्याची ओळख ही आदिवासी बहुल तालुक्यातील ऐतिहासिक पार्श्वभूमी लाभलेले रावलापाणी हे छोटेशे गाव सातपुड्याच्या डोंगराच्या शेवटच्या टोकावर व डोंगर - दऱ्यांवर वसलेले आहे, पाणी व विजेची समस्या असलेल्या या गावात फक्त 31 घरं व 180 सदस्य राहतात, या गावातील शेतकरी पारंपरिक शेती करीत उदरनिर्वाह करतात. मात्र पारंपरिक शेती ऐवजी कायंस्वरूपी उत्पन्न मिळावे हा हेतू डोळा समोर ठेवून रतिलाल कामा पावरा व त्यांचा कुटूंबाने धाडस दाखवित आपल्या शेतात एक नवीन प्रयोग केला आहे.. आपल्या डोंगर वजा शेतात चक्क "आंब्याची फळबागेची" लागवड करीत ती चांगलीच फुलवलेली आहे. रतिलाल पावरा यांचे वडील कामा पावरा यांचे 2013 मध्ये निधन झाले, त्यामुळे कुटुंबांची सर्व जबाबदारी घरातील मोठा सदस्य असल्यामुळे रतिलाल पावरा यांचावर आपसूकच आली. सुरुवातीला

पारंपरिक पिकं घेत, त्यांनी संसाराचा गाडा हाकलण्यास सुरुवात केली. परंतु त्यात जास्त उत्पन्न मिळत नव्हते व कुटुंबाला आर्थिक संकटाला सामोरे जावे लागत होते. मग रतिलाल पावरा यांनी कुटुंबातील सदस्यांशी चर्चा करीत काही तरी नवीन प्रयोग करण्याचा निर्णय घेतला व शेतात आंब्याची फलबाग लावण्याचे ठरविले. परंतु त्यांचा समोर सर्वात मोठी अडचण होती ती पैश्यांची. त्यामुळे रतिलाल पावरा यांनी धडपड करीत शासनाकडून काही तरी मदत मिळते का? या दृष्टिकोनातून माहिती मिळवित तळोदा तालुका कृषी विभागाशी संपर्क साधला. तालुका कृषी

अधिकारी पी. व्ही. भोर यांचे मार्गदर्शनाने कृषी पर्यवेक्षक एस. डी. पवार, कृषी सहाय्यक पी. के. देशमुख व मंडळ कृषी अधिकारी ए. एफ. गावीत आदींनी वेळोवेळी भरीव अशी मदत करत फळबागासाठी अनुदान मंजूर करीत त्यांना 2016 साली एकूण 200 आंब्याची रोप दिलीत. रस्ते नसल्याने वाहन जाणे या भागात कठीण होते. याकरिता कुटुंबीयांनी 4 की.मी.पायपीट करत आपल्या शेतापर्यंत डोक्यावर घेऊन 200 रोपे शेतात पोहच करत डोंगराळ, खाच खडगे असलेल्या आपल्या शेतात स्वतः 200 खड्डे खणत, जून 2016 मध्ये आंब्यांची रोप लावलीत. कुटुंबातील सर्व सदस्यांनी जीवापाड मेहनत घेतली, आता सर्व रोप जवळपास 4 ते 5 फुटांची झाली आहेत. रतिलाल पावरा यांना आतापर्यंत सव्वा ते दीड लाख पर्यंतचा खर्च आला आहे. या आम्रईला नंदुरबारचे जिल्हाधिकारी डॉ. मल्लिनाथ कलशेट्टी, जिल्हा पोलीस अधीक्षक संजय पाटील, सामाजिक कार्यकर्ते डॉ. कांतीलाल टाटीया व अनेक अधिकाऱ्यांनी रावलापाणी येथे प्रत्यक्ष जावून रतिलाल पावरा व त्यांचा कुटुंबाने फुलवलेली फळबाग बघितली असून सर्वांनी कुटुंबियांचे कौतुक केले आहे....

                 ➤➤➤ प्रतिक्रिया----- 
 12 वी पर्यत शिक्षण झाल्यानंतर अर्ध्यातच वडील सोडून गेले, कमी वयात कुटुंबाची जबाबदारी आली. केवळ पारंपरिक पिके घेणाऱ्या शेतात काहीतरी नवीन करण्याचा धाडस करीत आंब्याची फळबाग लावण्याचे ठरविले. भविष्यात कायमस्वरुपी उत्पन्न मिळावे हा मुख्य उद्देश डोळ्यासमोर ठेवून फलबागेची लागवड केली आहे. :- रतिलाल पावरा शेतकरी, रावलापाणी....

 ➤➤➤ 600 फूट लांब असलेल्या शेतात, नदीतून पाणी पोहचविले :- 
 रावलापाणी गावात वीज, पाण्याची सोय नसल्यामुळे पाण्याची गरज भागविण्यासाठी निझरा नदीतुन पाणी ओढण्यात आले. त्यासाठी एक डिझेल इंजिन मशीन नदी वर बसविण्यात आले व नदी पासून 300 फूट लांबी वर एक छोटसं शेततळ तयार करुन त्यात पाणी साठविण्यात आले. मग शेत तळ्याजवळ दुसरे डिझेल इंजिन मशीन बसवून तेथून पुढे 300 फूट लांब असलेल्या शेतात पाणी पोहचविण्यात यश मिळवले आहे. अश्या रीतीने नदी पासून एकूण 600 फुट लांब असलेल्या शेतात वेळेचे नियोजन साधत आठवड्यातुन दोन दिवस पाणी दिले जाते....

➤➤➤ शेतात नैसर्गिक खतांचा वापर :- 

 रतिलाल पावरा यांचा कुटुंबांची आर्थिक परिस्थिती हलाखीची असल्यामुळे महागडी रासायनिक खते विकत घेणे त्यांना परवडणारे नव्हते, याकरिता आपल्या शेतात रासायनिक खतांचा वापर न करता नैसर्गिकरित्या पाला, पाचोळा पासून तयार केलेले कंपोस्ट खत, शेण खत आदींचा वापर करीत फलबागेतील आंब्याचे रोप वाढविले आहेत....

➤ ➤➤ लहान बंधारा बांधत पाण्याचा समस्यांवर केली मात 

रावलापाणी सारख्या दुर्गम भागात पाण्याची सोय नसल्यामुळे रतिलाल पावरा, त्यांचे लहान भाऊ रविंद्र पावरा व भीष्मा पावरा, बहीण काजोल पावरा व अरुणा पावरा तसेच आई लावीबाई पावरा आणि पत्नी आशा पावरा यांनी स्वतः कठोर मेहनत घेत, शेतीपासून 600 फूट लांब असलेल्या निझरा नदीवर लहान बंधारा बांधत नदीचे पाणी अडविले आणि या अडविलेल्या पाण्याचा शेतात काटकसरीने वापर करीत पाण्याचा समस्यांवर मात करीत फुलबाग फुलविली आहे....

➤➤➤ शासनाकडून आर्थिक मदतीची अपेक्षा :- 
 रतिलाल पावरा यांचा शेतातील आंब्याची फळबाग आता चांगलीच बहरलेली आहे. परंतु शेताला कुठल्याच प्रकारचे कुंपण नसल्यामुळे, त्यांना गुरांचा त्रासला नेहमीच सामोरे जावे लागते. त्यामुळे रतिलाल पावरा यांचा कुटुंबातील एक सदस्य रात्र दिवस शेतात थांबून बागेची राखण करीत असतो. त्यामुळे रतिलाल पावराचा कुटुंबाला शासनाकडून आर्थिक मदतीची अपेक्षा आहे जेणेकरुन शेताला कुंपण घालता येईल.....

अखेर कुटुंबीयांना मिळाला त्यांच्या नावाचा धनादेश

दै.'पुण्यनगरी'कडून करण्यात आला होता पाठपुरावा.
रूग्णवाहिकेच्या अपघातात मयत अनिल गुरव यांच्या कुटूंबियांना बीव्हीजी ग्रुपतर्फे अनावधानाने दुसऱ्या नावाने देण्यात आलेला धनादेश परत घेण्यात आला होता. मात्र दै.'पुण्यनगरी' ने याबाबतचे वृत्त प्रकाशित केल्यानंतर काल तात्काळ गुरव कुटूंबियांना त्यांच्या नावाचा धनादेश देण्यात आला. . गेल्या महिन्यात रुग्णवाहिका दुरुस्त करून येत असताना नंदुरबार- दोंडाईचा रस्त्यावर रुग्णवाहिकेचा अपघात घडल्याने यामध्ये चालक अनिल गुरव, अल्लारखा मक्रानी, भिक्कन पवार, या तिघांच्या मृत्यू झाला होता. वेळोवेळी याबाबत दै.पुण्यनगरीने पाठपुरावा करून सदर विषयाला वाचा फोडल्यामुळे मयताच्या कुटुंबियांना आर्थिक मदत तातडीने उपलब्ध झाली. आर्थिक मदतीचा धनादेश पुणे व नाशिक पथकाने मयताच्या कुटुंबियांना स्वाधीन केले. काही दिवसांपूर्वी अनावधानाने कंपनीच्या सदस्यांकडून गुरव यांच्या धनादेश देण्याऐवजी भिक्कन पवार यांच्या धनादेश गुरव यांना देण्यात आला होता. सदर बाब दुसऱ्या दिवशी कुटूंबियांना दूरध्वनीद्वारे कळविल्यानंतर तातडीने कंपनीच्या सदस्यांनी तो परत घेतला. याबाबत लेखी मागितली असता ती देण्यात टाळाटाळ केल्याने कंपनीने सोबत नेलेला धनादेश कधी परत मिळतो याबाबत कुटुंबीय प्रतीक्षेत होते. मात्र दै. पुण्यनगरीच्या वृत्तानंतर तातडीने डॉ.यु.आर.साने जिल्हा व्यवस्थापक, राकेश पाटील, राजेश परदेशी आदीनी येऊन पंडित गुरव यांना धनादेश स्वाधीन केला. गुरव कुटुंबीयांनी दै.'पुण्यनगरी' चे आभार मानले.

पुढाऱ्याने बिव्हिजीच्या व्यवस्थापकाच्या श्रीमुखात लगावताच दिले ३० हजार...

मयत कुटुंबियांना एक लाखाचा धनादेश देताना 

नंदुरबार - दोंडाईचा रस्त्यावर रुग्णवाहिकेच्या अपघातात तिघांचा मृत्यू झाल्यानंतर मयताच्या कुटुंबियांना भारत विकास ग्रुपतर्फे आठ हजाराची मदत देऊन थट्टा करण्यात आली होती. याबाबतचे वृत्त दै.पुण्यनगरीने प्रकाशित केल्यानंतर मयताच्या कुटुंबियांना मदतीसाठीच्या हालचाली गतिमान होऊन एक लाखाची आर्थिक मदतीचा धनादेश देण्यात आला. असे असले तरी अनावधानाने धनादेश बदली झाल्याने सदर धनादेश कंपनीने परत घेतला असून आता पुन्हा धनादेश कधी मिळतो याची प्रतीक्षा आहे.         यादरम्यान कंपनीच्या व्यवस्थापकाने मयताच्या कुटुंबियांना मिळालेल्या रक्कमेच्या अपहार केल्याच्या प्रयत्न झाल्याचे उघडकीस आले आहे. गेल्या महिन्यात रुग्णवाहिका दुरुस्त करून येत असताना नंदुरबार- दोंडाईचा रस्त्यावर रुग्णवाहिकेचा अपघात घडल्याने यामध्ये चालक अनिल गुरव, अल्लारखा मक्रानी, भिक्कन पवार, या तिघांच्या मृत्यू झाला होता. नेहमी रूग्णांचा जीव वाचविण्यासाठी आटापिटा करणाऱ्या तिघे मयत तरुणांची आर्थिक परिस्थिती बेताची असून भारत विकास गृपतर्फे अवघ्या आठ हजाराची मदत करून गुरव कुटुंबियांची थट्टा केल्याचे वृत्त दै.पुण्यनगरीने 2 एप्रिल रोजी प्रकाशित केले. यानंतर मदतीसाठी हालचाली गतिमान झाल्या. दि. २१ एप्रिल रोजी नाशिक येथील विभागीय प्रमुख बाळासाहेब कंकराळे, पुण्याचे डॉ.ज्योत्सना माने, विभागीय अधिकारी डॉ.किशोर देव, रोहित शिंदे या पथकाने तळोदा गाठून गुरव कुटुंबियांना एक लाखाचा धनादेश दिला. मात्र अनावधानाने गुरव कुटुंबियांना दुसऱ्याच नावाने धनादेश देण्यात आल्याने सदरचा धनादेश कंपनीच्या कर्मचाऱ्यांनी परत घेतला आहे. यामुळे आता परत धनादेश कधी मिळतो, याकडे लक्ष लागून आहे. यावेळी उपस्थितीतांनी कंपनीच्या अधिकाऱ्यांवर प्रश्नांची सरबत्ती केली. घरातील कर्ता पुरुष गेल्याने अंत्यसंस्काराप्रसंगी मदतीची अपेक्षा होती. केवळ आठ हजार आर्थिक मदत देऊन कंपनीकडून थट्टा करण्यात आल्याचे रहवाश्यांनी सांगितले. यावर संबंधीत कंपनीकडून घटनेनंतर तातडीने 50 हजार रु नंदुरबार व्यवस्थांकाच्या खात्यात व 50 हजार रु धुळे येथील डॉ.चव्हाणच्या खात्यावर टाकून मदत करण्याचे आदेश दिल्याचे सांगण्यात आले. यावेळी संबधित व्यवस्थापकाने सदर रक्कमेच्या अपहाराचा प्रयत्न केल्याचा संशय व्यक्त करण्यात आला.

*आणि व्यवस्थापकाच्या श्रीमुखात लगावली*
मयताच्या कुटुंबियांना मदतीसाठी प्रत्येकी 33 हजार रुपये याप्रसंगी कंपनीने मदत पाठविलेली असताना व्यवस्थापकाने प्रत्येक्षात मात्र केवळ आठ हजार रुपये याप्रमाणे मयताच्या कुटुंबियांना मदत केल्याने स्थानिक नेते संतापले. नेत्यांमध्ये व कंपनीच्या व्यवस्थापकात बाचाबाची झाली. शाब्दिक चकमक वाढल्याने स्थानिक राजकीय पुढाऱ्याने व्यवस्थापकाच्या श्रीमुखात लगावली. यावेळी वातावरण सुन्न झाले आणि तात्काळ एक लाखाचा धनादेश पंडित गुरव यांना सुपूर्द करण्यात आला. तसेच उर्वरित 30 हजार रुपये देखील गुरव कुटुंबियांना देण्यात आले. त्याचप्रमाणे पी.एफ, पेंशन इन्शुरन्स, एलआयसीच्या माध्यमातून प्राप्त होणार असल्याचे सांगितले.

  *कारवाईकडे लक्ष*
भारत विकास ग्रुप राज्यासह परराज्यात देखील आपल्या सेवेमुळे नावलौकिक आहे, मात्र व्यवस्थापकाने केलेल्या चुकांमुळें कंपनी बाबत गैरसमज निर्माण झाले आहेत. कंपनी संबंधित व्यवस्थापकवार काय कारवाई करते याकडे लक्ष लागून आहे.... *रुग्णकाहिका कर्मचाऱ्यांचे स्वतंत्र विमा काढणे गरजेचे* स्वतःच्या जीव धोक्यात घालून रुग्णाना तातडीने सेवा मिळावी म्हणून रुग्णवाहिकेत असलेले कर्मचारी प्रयत्न करतात. बऱ्याचदा अपघात होऊन त्यांना जीव गमवावा लागतो. याकरिता रूग्णासोबत असणाऱ्या नर्स, वाहन चालकांचे कंपनीकडून स्वतंत्र विमा काढणे आवश्यक आहे. तसेच अपघात घडल्यास भरीव आर्थिक मदत करणेही गरजेचे आहे.

 *108 रुग्णवाहिकेवरील कर्मचाऱ्यांचे मागण्यांबाबत बीव्हीजीला निवेदन* 
 108 क्रमांकाच्या रुग्णवाहिकेवरील कर्मचाऱ्यांच्या विविध मागनीबाबत बिव्हीजीचे चेअरमन हनुमंत गायकवाड यांना निवेदन देण्यात आले आहे. सदरच्या निवेदना म्हटले आहे की, रुग्णवाहिकेचा अपघातात जिल्ह्यातील अनिल गुरव, भिक्कन पवार, अल्लरखा मक्रानी या तिघांचा कर्तव्यावर असताना मृत्यू झाला. यामुळे त्यांच्या कुटुंबावर दुःखाचा डोंगर कोसळला आहे. विविध मागण्यामध्ये ओंनड्युटी मृत्युमुखी झालेल्या कर्मचाऱ्याच्या कुटुंबियांना आर्थिक मदत करण्यात यावी. कुटुंबियामधील एखादया व्यक्तीस नौकरीत सामावून घेण्यात यावे. तिघांचे प्रॉव्हिडंट फंडातील पैसे तात्काळ मिळवण्याची व्यवस्था करण्यात यावी, सदरच्या मागण्या येत्या चार दिवसात पूर्ण न झाल्यास आंदोलन छेडण्याचा इशारा 108 कर्मचारी संघटनेने निवेदनातून दिला आहे.

 *प्रतिक्रिया* 
 कँपनीकडून 1 लाख रु देण्यात आले होते.मात्र व्यवस्थापकांकडून 8 हजार रु मयताच्या कुटुंबियांना देण्यात आले. यातून गैरसमज निर्मान झाला असून घडलेल्या प्रकाराबाबत वरिष्ठाना कडविले आहे. याबाबत योग्य ती चौकशी करून योग्य तो निर्णय घेतील..
 *डॉ.ज्योत्स्ना माने*

 *प्रतिक्रिया* 
कँपनीकडून मयताच्या कुटुंबियासाठी नंदुरबार करीत 50000 रु देण्यात आले होते तर 50000 रु धुळे येथील डॉ. निलेश चव्हाण यांच्या खात्यावर जमा करण्यात आले. मात्र सदर रक्कम एकत्रितरित्या धनादेश स्वरूपात अथवा रोख न देता 3 दिवसाचा दुखवटा पाळण्यासाठी लागणारा खर्च घटनास्थळी जाऊन कुटुंबीयांचा हातात द्यावा, असा आदेश वरिष्ठांकडून देण्यात आला होता. या आदेशांचे पालन केले. सदर 8 हजार एवढी रक्कम कुटुंबीयांना दिल्यानंतर त्यांनी नाकारली.
 व्यवस्थापक बिव्हीजी ग्रुप नंदुरबार

 *प्रतिक्रिया*
अपघातात कमवता मुलगा गेला आहे. वाहन दुरुस्तीचे नाव करून वयक्तिक कामाकरिता सदर वाहन नेले असल्याचे आम्हास कळत आहे. याबाबत अर्ज फाटे करूनही माहिती देण्यास टाळाटाळ केली जात आहे. आर्थिक मदत म्हणून देण्यात आलेला धनादेश हा आमच्या नसून भिक्कन पवार यांचा आहे. तो आम्ही परत केला असून अद्याप पावेतो आमच्या नावाचा धनादेश प्राप्त झालेला नाही.
 पंडित गुरव मयत अनिलचे वडील

रूग्णवाहिका कर्मचाऱ्यांचे स्वतंत्र विमा काढणे गरजेचे

रुग्णवाहिकेवरील चालकाच्या मृत्यूनंतर कुटूंबियांची थट्टा भारत विकास गृपतर्फे आठ हजाराची आर्थिक मदत
दिवस असो की रात्र, पाऊस असो अथवा वादळ वारा मात्र कसलीही पर्वा न करता कठीण परिस्थितीतही वेळेवर रूग्णवाहिका रूग्णालयापर्यंत पोहचवुन असंख्य रूग्णांचे जीव वाचविणाऱ्या रूग्णवाहिकेवरील चालकाचा अपघातात मृत्यू झाल्यानंतर मात्र त्याच्या कुटूंबियांची थट्टा करण्यात आली आहे. तळोदा येथील वाहन चालक अनिल गुरव याचा रूग्णवाहिका दुरूस्त करून येत असतांना दोंडाईचा जवळील धावडे गावाजवळ अपघात घडला. आणि यात काळाने घाला घालत अनिलसह दोघांचा मृत्यू झाला.अनिलच्या मृत्यूनंतर मात्र भारत विकास गृपतर्फे अवघ्या आठ हजाराची मदत देवून थट्टाच करण्यात आली आहे. . तळोदा येथील अनिल पंडीत गुरव हे गेल्या आठ वर्षांपासुन भारत विकास गृप कंपनीच्या वतीने सुरू करण्यात आलेल्या १०८ क्रमांकाच्या रूग्णवाहिकेवर चालक म्हणुन कार्यरत होते. अनिल गुरव अनेक रूग्णांसाठी देवदूत ठरले. मात्र नियतीचा खेळ कोणालाही समजत नाही. काळाने घाला घातला आणि गेल्या आठवड्यात धुळ्याहून रूग्णवाहिका दुरूस्ती करून आणत असतांना दोंडाईचानजीक धावडे गावाजवळ ट्रकने रूग्णवाहिकेला धडक दिल्याने भिषण अपघात घडला. आणि यातच अनिल गुरव यांच्यासह त्यांचे मित्र भिकन बापु पवार (रा.तामसवाडी) व अल्ला रखा मक्राणी (अक्कलकुवा) यांचा मृत्यू झाला. अनिल गुरव यांनी तळोदा, धडगाव, अक्कलकुवा, मोलगीसह परिसरातील रूग्णांची सेवा केली आहे. नेहमी रूग्णांचा जीव वाचविण्यासाठी आटापिटा करणाऱ्या अनिलचाच मृत्यदेह रूग्णवाहिकेतून घरी पोहचल्यावर मात्र त्याच्या कुटूंबियांचा आक्रोश हृदय हेलवणारा होता. अनिलचा मृतदेह पाहुन सर्वांनी एकच टाहो फोडला. अनिल गुरव यांची परिस्थिती बेताची असून वडील पंडीत गुरव शहरातील हनुमान मंदिर बाहेरच फुलांची दुकान लावतात. चार भावंडांपैकी अनिल तिसऱ्या क्रमांकाचा असून वयाच्या अवघ्या २८ व्या वर्षीच घरातील कर्ता मुलगा हरपल्याने अनिलच्या कुटंूबियांवर दुख:चा डोंगर कोसळला. अनिलचे मोठे बंधु आदिवासी प्रकल्पात रोजंदारीवर कार्यरत आहेत. तर दुसरा भाऊ वडीलांना दुकानावर मदत करतो व अनिलचा

 लहान भाऊ पतपेढीचे दैनिक बचत खाते गोळा करतो. अनिल गुरव यांची परिस्थिती बेताची असल्याने अनेकांनी मदतीचा हात पुढे केला. मित्र परिवार, नातेवाईक, सगेसोयरे सर्वच अनिल गुरव यांच्या कुटूंबियांच्या दुख:त सहभागी झाले. मात्र आठ वर्ष ज्या कंपनीचे वाहन अनिल प्रामाणिकपणे हाकले, रात्रंदिवस रूग्णांची सेवा हेच आद्य कर्तव्य मानले. त्याच कंपनीने कृतघ्नता दाखवत अवघी आठ हजारांची आर्थिक मदत करून त्याच्या कुटूंबियांची थट्टाच केली आहे. सदर लाजिरवाणा प्रकार पाहून पंडित गुरव यांनी आर्थिक मदत नाकारली. . रूग्णवाहिकेत रूग्णासोबत असणाऱ्या नर्स, वाहन चालकांचे कंपनीकडून स्वतंत्र विमा काढणे आवश्यक आहे. तसेच अपघात घडल्यास भरीव आर्थिक मदत करणेही गरजेचे आहे. यामुळे कंपनीने मयत अनिलच्या कुटूंबियांची थट्टा न करता भरीव आर्थिक मदत देवून भक्कम आधार देण्याची गरज व्यक्त करण्यात येत आहे..

तळोद्याचे माजी उपनराध्यक्ष छबुलाल परदेशी यांचे निधन

तळोदा शहरातील भाजी व्यापारी तसेच माजी उपनगरअध्यक्ष छबुलाल ताराचंद परदेशी यांचे काल निधन झाले. यांच्यावर मागील दीड महिन्यापासून सुरत व नंदुरबार येथील खाजगी रुग्णालयात उपचार सुरु होते. दि.३१ मार्च रोजी वयाच्या ७१ व्या वर्षी त्यांची प्राणज्योत मावळली. एका संघर्ष मुर्तीच्या निधनाने गावावर शोककळा पसरली आहे.. तळोदा शहरासह तालुक्यात सर्वाना परिचित असलेले छबुलाल परदेशी स्पष्ट वक्ता, विनोदी स्वभाव, उदार मन, मदत करण्याची धडपड, शेतकऱ्यांना आडद दुकानात चांगला भाव मिळावा म्हणून सदैव प्रयत्नशील असलेले, गोर गरिबांचा मदतीला धावून जाणारे व्यक्तमत्व. वडील ताराचंद परदेशी यांच्या आडत दुकानापासून छबुलाल परदेशींनी व्यवसायासह राजकाणाचेही धडे घेतले. शहरात परदेशी समाज हा अल्पसंख्याक असताना देखील केवळ मदत आणि संपर्काच्या जोरावर सर्वांशी कौटुंबिक नाते निर्माण केले. सन.१९८७ साली वयाच्या १९ व्या वर्षी नगरसेवक म्हणून उमेदवारी केली व निवडून आले. कणखरपणा, विकासाचे धोरण, सुस्वभाव या जोरावर पुढील १९९१-९२ वेळी पंचवार्षिक निवडणुकीत विजयी होवून उपनगराध्यक्ष झाले. त्यानंतर विकासाचा ध्यास बाळगून छबुलाल काका यांनी पत्नीस राजकारणात आणुन नगरसेविका केले. परदेशी कुटुंबीयाच्या समाजकारणाच्या जोरावर त्यांचा मुलगा अजय परदेशी तीनवेळा नगरसेवक व आता लोकनियुक्त नगराध्यक्ष झाले आहेत. कधीही बडेजाव न मिरवीत गावात कोणत्याही पानाच्या ठेल्यावर मित्र परिवारात सहज रमणारे, छबुलाल परदेशी यांना मागील काळात कर्करोगाने पछाडले. नाशिक, मुंबई, सुरत नंदुरबार अश्या ठिकाणी उपचार सुरु होते. सात वर्षे कर्करोगाशी झुंज देत अखेर काल (दि.३१ मार्च) रोजी त्यांनी अखेरचा निरोप घेतला. त्यांच्यावर शहरातील स्मशानभूमीत अत्यंसंस्कार करण्यात आले. यावेळी जिल्ह्यातील विविध क्षेत्रातील नागरीकांसह लोकप्रतिनिधी, अधिकारी उपस्थित होते. त्यांच्या पश्चात पत्नी, दोन मुले, दोन मुली, सुना, जावाई, नातवंडे असा परिवार आहे. ते तळोद्याचे नगराध्यक्ष अजय परदेशी व व्यापारी विजय परदेशी यांचे वडील होत..

बेढब आकाराचे गतिरोधक वाहनधारकांसाठी जीवघेणे

 बेढब आकार, गरजेपेक्षा जास्त संख्या, उंची व रुंदी प्रमाणात नाही, निकषाप्रमाणे एकही गतिरोधक बनविण्यात आलेले नसल्याने तळोदा शहरात गतिरोधक वाहनधारकांसाठी जीवघेणे बनले आहेत. ओबड-धोबड आकाराच्या गतिरोधकांमुळे अनेकदा वाहनधारकांना दे धक्का करत वाहन पुढे न्यावे लागत असल्याने डोकेदुखी ठरत आहेत..
तळोदा शहरात कॉलनी परिसरांमध्ये तयार करण्यात आलेले गतिरोधक सर्व निकष धाब्यावर बसवून तयार करण्यात आले आहेत. शहरातील काही मुख्य रस्त्यांवर देखील अशाच प्रकारचे गतिरोधक दिसून येत आहेत. त्यामुळे ओबड-धोबड गतिरोधक ओलांडतांना वाहनधारकांना कसतर करावी लागते. गतिरोधकांच्या गरजेपेक्षा जास्त उंचीमुळे वाहने बंद पडणे, ग्राऊंड लेव्हल कमी असल्यास वाहन गतिरोधकावर घसरणे यासारखे प्रकार सातत्याने घडत आहेत. गतिरोधक ओलांडतांना किरकोळ अपघातही घडतात. गतिरोधकांची गरजेपेक्षा जास्त संख्या असल्याने

अनेकजण पर्यायी रस्त्याने जाणे पसंत करतात. शहरातील शंभर ते दोनशे मीटर अंतराच्या रस्त्यावर देखील तीन ते चार गतिरोधक असल्याचे चित्र आहे. गतिरोधक असणाऱ्या ठिकाणी दुचाकी जाण्यासाठी सोयीचे व्हावे, यासाठी काही ठिकाणी गतिरोधक तोडल्याचेही दिसून येतात. नविन रस्त्याचे काम पूर्ण झाल्यानंतर त्याची गुणवत्ता तपासणे, त्यावर करण्यात आलेल्या गतिरोधक निकषाप्रमाणे बनविण्यात आले आहेत किंवा नाही याची तपासणी करणे पालिकेचे काम असतांना याकडे दुर्लक्ष केले जात आहे. यामुळे मात्र वाहनधारकांना नाहक त्रास सहन करावा लागत आहे. ओबड-धोबड गतिरोधकांचे सर्वेक्षण करुन निकषाप्रमाणे गतिरोधक टाकणे गरजेचे झाले आहे. शहरातील अनेक रस्त्यांवर पांढरेपट्टे व दिशादर्शक फलक नसल्याने अडचणींचा सामना करावा लागतो. यामुळे रस्त्यावर पांढरेपट्टे मारणेही अपेक्षित आहे. गतिरोधक उभारतांना गतिरोधकाची उंची निकषाप्रमाणे २.५ ते १० से.मी. केल्यास वाहनधारक गतिरोधकाकडे दुर्लक्ष करुन भरधाव वेगाने वाहन चालवतात, असे पालिका कर्मचाऱ्यांचे म्हणणे आहे..

गरोदर माता व बालमृत्यू कमी करण्यासाठी 'खुशहाली ॲप' ठरतेय् वरदान अतिदुर्गम भागातील धडगाव व तळोदा तालुक्यात पोहोचले 'अरमान'

नंदुरबार जिल्ह्यातील अतिदुर्गम भागात गरोदर माता मृत्यू व बालमृत्यूचे प्रमाण अधिक आहे.
यावर मात करण्यासाठी शासन व प्रशासन पराकोटीचे प्रयत्न करीत आहेत. त्यातच आता प्रशासनाच्या प्रयत्नांना जोड मिळाली आहे ती एम खुशहाली ॲपची! शाश्वत विकासाचे ध्येय गाठण्यासाठी अरमान व टाटा ट्रस्ट यांचामार्फत 'एम खुशहाली ॲप' तयार करण्यात आले असून या माध्यमातून ५३४८ गरोदर माता व १४९१ बाळाची नोंदणी करण्यात आली आहे. यापैकी २३३८ माता आणि २३२ बाळांना या माध्यमातून सेवा पुरविण्यात आली आहे. एक सक्षम पाऊल माता व बाळ मृत्यू कमी करण्यासाठी 'अरमान'तर्फे उचलण्यात आले आहे. दुर्गम व अतिदुर्गम भागातील गरोदर मातांना वेळेवर उपचार मिळण्यास मदत होत आहे.. नंदुरबार जिल्ह्यात माता व बाळ मृत्यू कमी व्हावे याकरिता अरमान या संस्थेने एम खुशहाली ॲप तयार केले असून या माध्यमातून बालमृत्यू व गरोदर माता मृत्यूवर नियंत्रण ठेवण्याचा प्रयत्न केला जात आहे. सदर प्रकल्पास टाटा ट्रस्टतर्फे वित्तीय सहाय्यता केली जात असून जिल्हा आरोग्य विभागाच्या संयुक्त विद्यमाने प्रकल्पाची अंमलबजावणी धडगाव व तळोदा तालुक्यात प्रायोगिक तत्वावर केली जात आहे. यात तळोदा तालुक्यात प्रतापपूर, सोमावल, बोरद, वाल्हेरी प्राथमिक आरोग्य केंद्र तर धडगाव तालुक्यातील बिलगाव व चुलवड या दोन प्राथमिक आरोग्य केंद्रांसह एकूण १५१ गावांचा समावेश करण्यात आला आहे.

सदर उपक्रमासाठी ३७ परिचारिकाना भ्रमणध्वनी वितरीत करण्यात आले आहेत. या माध्यमातून योग्य जोडपे, त्यांच्या वयातील अंतर, रक्तगट, गर्भवती महिला व बाळाबाबतची संपूर्ण माहिती मोबाईलद्वारे ॲपमध्ये लोड करण्यात येते. सदर संकलित माहिती आरोग्यविभाग व अरमान यंत्रणेच्या बोर्डवर उपलब्ध होते. त्यामुळे स्वयंचलित पद्धतीने महिलेचे वय, अपेक्षित प्रसूती तारीख तसेच कृती आराखडा देय भेटी, भेटीचे नियोजन कार्यबद्ध स्वरुपात करता येते. नोंदणी झालेल्या बाळ आणि गर्भवती महिलांना टॅबलेटच्या सहाय्याने विविध ॲनिमेशन दाखवून बाल संगोपन, लसीकरण, आहार, ॲनेमिया, स्तनपान, धोकादायक आरोग्य चिन्हे, प्रसूती, डायरिया, कुटुंब नियोजन, एच.आय.व्ही.. बाबत मार्गदर्शनासोबत जनजागृती केली जात आहे. अतिदक्षतेच्या मातांना मोबाईलच्या माध्यमातून तात्काळ वैद्यकीय सुविधाही पुरविल्या जात आहेत. या उपक्रमातंर्गत ५३४८ गरोदर माता व १४९१ बाळाची नोंदणी करण्यात आलेली असून २३३८ महिलांच्या आणि २३२ बाळांना सेवा पुरविण्यात आली आहे. संबधित प्राथमिक आरोग्य केंद्रांच्या परिचारिकांच्या मदतीने संस्था हे मिशन राबवित आहे. हे मिशन यशस्वी करण्यासाठी संस्थेचे सी.ओ. कार्ल परेरा, प्रकल्प व्यवस्थापक आशिष भोसले, जि.प.मुख्य कार्यकारी अधिकारी रविंद्र बिनवडे व जिल्हा आरोग्याधिकारी डॉ. नितीन बोडके, टाटा ट्रस्टच्या स्मृती शर्मा यांच्या मार्गदर्शनाखाली टीम प्रकल्प समन्वयक निलचंद्र शेंडे व त्यांची टीम मेहनत घेत असून तळोदा तालुका वैद्यकीय अधिकारी डॉ. महेंद्र चव्हाण, धडगाव तालुका वैद्यकीय अधिकारी डॉ.दिनेश बडे, डॉ. रेखा शिंदे, डॉ. कांतीलाल पावरा, डॉ. सोहम पाडवी, डॉ. साईिसंग पावरा, डॉ. विनोद, डॉ.जोशी, डॉ. निर्मल जगदाळे, डॉ. राठोड, डॉ.लांडे, डॉ. प्रशांत हिंगणकर यांचे सहकार्य लाभत आहे..

अरमान व टाटा संस्थेच्या विद्यमाने राबविला जात असलेला सदर उपक्रम हा दुर्गम व अतिदुर्गम भागात महत्वाचा ठरत आहे. या माध्यमातून आरोग्य विभागाला अतिदक्षतेच्या गर्भवती महिला तात्काळ कळण्यास मदत होत आहे. ॲनिमेशनच्या माध्यमातून केलेले समुपदेशन हे महिलांना समजण्यास सोपे आहे. सदर उपक्रमामुळे माता व बाळ मृत्यू कमी करण्यास हातभार लागत आहे. . -महेंद्र चव्हाण . तालुका वैद्यकीय अधिकारी, तळोदा.

  

जेव्हा डॉक्टर देवदूत होतात!

धुळ्याचे डॉ.राहूल भामरेंनी दिले महिलेला जीवदान
तळोदा तालुक्यातील बोरद येथील एका महिलेस किडनीनजीक गाठ असल्याने त्यांना कुटुंबियांनी महाराष्ट्र व गुजरात मधील किडनी उपचार होत असलेल्या रुग्णालयात नेले होते. मात्र, सदर गाठ काढतांना शस्त्रक्रिया करावी लागणार असून यात किमान ६० ते ७० टक्के किडनी डॅमेज होण्याची शक्यता तेथील डॉक्टरांनी बोलून दाखविली. यामुळे नेमके काय करावे या विवंचनेत कुटुंबिय पडले होते. यावेळी धुळे येथील राम सर्जिकल व मॅटर्निटी हॉस्पिटलचे डॉ.राहूल भामरे यांनी केंद्रीय संरक्षण राज्यमंत्री तथा धुळ्यातील तज्ञ डॉ.सुभाष भामरे यांच्यासोबत व्हिडीओ कॉन्फरन्स करून त्यांचा सल्ला घेऊन आपल्या
हॉस्पिटलमध्ये सदरची गुंतागुंतीची शस्त्रक्रिया यशस्वी केली. किडनीला कोणतीही इजा न होऊ देता डॉ.भामरे यांनी शस्त्रक्रिया यशस्वी केल्याने डॉक्टरला खरच परमेश्वराचाच अवतार का म्हणतात, आम्हाला देवदूतच भेटला अशी भावना रुग्ण महिला व त्यांच्या कुटुंबियांनी व्यक्त केली. . तळोदा तालुक्यातील बोरद येथील मनिषा दत्तात्रय पाटील यांना गेल्या काही दिवसांपासून पोटदुखीचा त्रास होत असल्याने त्यांना नंदुरबार येथे उपचारासाठी नेण्यात आले. मात्र, योग्य निदान न झाल्याने धुळे येथे राम सर्जिकल व मॅटर्निटी हॉस्पिटलचे डॉ.राहुल भामरे यांच्याकडे उपचारसाठी दाखल केले. यावेळी मनिषा पाटील यांच्या किडनीला लागूनच गाठ असल्याचे निदर्शनास आले. यावरत्यांचे पती दत्तात्रय पाटील यांनी तज्ञ डॉक्टरांचा सल्ला घेण्याचे ठरवले व मुंबई, बडोदा, नडीयाद येथील किडनीतज्ञांकडे धाव घेतली. गाठीवर ६ सेमीचे फेरी नेफ्रिक मास्क असून गाठ मोठे आतडे व किडनीच्या मध्यभागी असल्याने शस्त्रक्रिया केल्यास किडनी निकामी होण्याची शक्यता तेथील तज्ञ डॉक्टरांनी वर्तविली. काही केल्या किडनी निकामी होणारच या भितीने पाटील कुटूंबिय भयभीत झाले. त्यातच राम सर्जिकल व मॅटर्निटी हॉस्पिटलचे डॉ.राहुल भामरे यांनी दत्तात्रय पाटील यांना भ्रमणध्वनीद्वारे संपर्क साधून शस्त्रक्रियेसाठी येण्यास सांगितले. कोणतीही इजा न होऊ देता शस्त्रक्रिया शक्य असल्याचे डॉ.भामरे यांनी सांगितल्यानंतर दत्तात्रय पाटील यांनी शस्त्रक्रियेसाठी होकार दिला. सदर शस्त्रक्रिया गुंतागुंतीची असली तरी प्रगत तंत्रज्ञानामुळे केंद्रीय संरक्षणमंत्री ना.डॉ.सुभाष भामरे यांनी व्हिडीओ कॉन्फरन्सद्वारे दिलेल्या सल्ल्यामुळे व डॉ.राहूल भामरे, डॉ.भूषण वाणी आणि त्यांच्या सहकाऱ्यांच्या प्रयत्नांनी तीन तासाच्या शस्त्रक्रियेनंतर किडनीला कोणतीही इजा न होता यशस्वी केली. यामुळे डॉ.राहूल भामरे यांचे सर्वत्र कौतूक होत आहे. डॉक्टर नव्हे तर देवदूत आम्हाला भेटले, अशी प्रतिक्रिया रुग्ण महिला व त्यांच्या कुटुंबियांनी बोलून दाखविली..

दिव्यांग प्रवाशाचा नाशिक ते निजामपूर ताटकळत प्रवास!

 आरक्षित आसन मिळेना! : महामंडळाने वाहकांना सूचना देण्याची मागणी
 दिव्यांगांसाठी एसटी बसमध्ये जागा आरक्षित असतांना देखील बसण्यासाठी जागा मिळत नाही. त्यामुळे दिव्यांगांमध्ये नाराजी पसरली आहे. राज्य परिवहन महामंडळाने वाहकांना सूचना देवून आरक्षित जागा दिव्यांग प्रवाश्यांना उपलब्ध करुन द्यावी, अशी अपेक्षा तळोदा येथील अपंग शिक्षक विनोद पगार यांनी दै.'पुण्यनगरी'शी बोलतांना व्यक्त केली आहे.. महाराष्ट्र राज्य परिवहन महामंडळाच्या बसमध्ये महिला, अपंग, विद्यार्थिनी, दिव्यांग, पत्रकार, ज्येष्ठ नागरिकांसाठी विशेष आरक्षण असते. खिडकीजवळ किंवा आसनाच्या पाठीमागे आसन राखीव असल्याचे लिहिले जाते. पण प्रत्यक्षात त्याची अंमलबजावणी होताना दिसत नाही. जो पहिल्यांदा सीट पकडेल तोच तेथे बसून प्रवास करतो. यामुळे महिला, अपंग, ज्येष्ठ नागरिक आणि विद्यार्थिनींना उभे राहून किंवा चालकाच्या केबिनमध्ये बसून प्रवास करावा लागत आहे. या बसेसमधील आरक्षण केवळ नावालाच असल्याचा आरोप करत आपल्या सोबत घडलेला प्रसंग त्यांनी सोशल मिडीयाच्या माध्यमातून व्यक्त केला. तसेच दै.'पुण्यनगरी'शी याबाबत त्यांनी खंत व्यक्त केली आहे. सकाळी ११ वाजेदरम्यान नाशिकहुन नंदुरबार येथे येण्यासाठी त्यांनी बीटी- १४, 3447 या क्रमांकाची बस गाठली. बस लांब पल्याची असल्याने प्रवाश्यांनी तुडूंब भरलेली होती. मात्र महत्त्वाचे काम असल्याने याच बसने शिक्षक पगारे यांना जावे लागणार होते. लांबचा प्रवास व अपंग असल्याने शिक्षकास प्रवास करणे जिकरीचे ठरणार होते. मात्र आपण अपंग आहोत, त्यासाठी शासनाकडून आरक्षित आसन असल्याने ती मिळवू असा मनात विचार करत त्यांनी प्रवास सुरु केला. त्यांनी याकरिता वाहकाला विनंती करून दोन नंबरचेआसन अंपंगासाठी राखीव असल्याचे निदर्शनास आणून दिले. प्रवास लांबचा असल्याने एवढ्या लांबपर्यंत उभे राहणे शक्य नसल्याचे कारण देखील त्यांनी सांगितले. मात्र मी त्यांना त्या जागेवरुन उठवू शकत नाही. ते नाशिकहून बसले असल्याचे म्हणत तुम्हीच त्यांना उठवा, असे म्हणत वाहकाने हात झटकले. शेवटी दिव्यांग असलेले पगारे यांना नाशिक ते निजामपूरपर्यंतचा प्रवास उभे राहून करावा लागला. दरम्यान वाहकाकडून अशी वागणूक मिळाल्याने अपंग शिक्षक पगार यांनी नाराजी व्यक्त केली आहे. राज्य परिवहन महामंडळाने वाहकांना सूचना देवून आरक्षित जागा अपंग प्रवाश्यांना उपलब्ध करुन देण्याची व्यवस्था करावी, अशी अपेक्षा अपंग शिक्षक पगार यांनी व्यक्त केली आहे..